حداية عبدالعزيز الزبالي لعايش الزبالي

هذه حداية بين عبدالعزيز الزبالي الى الشاعر الكبير عايش الزبالي

الاوله ســــــلام ردية وفاء ياتـــــــاج راسي
ياعزنا يافخرنا والطيب من ساسك وساسي
انته ذرانا من قديم الوقت يوم الوقت قاسي
تدرى عليـــنا مثل ماتدرى على صحة بدنك

والثــــانيه سمـــعت ماقاله كبــير القوم ليه
اما يثبــــت كلــــمته ولا نـــــقومها قضـــيه
ماقصدنا غير السوية وانت تعرفها السويه
قدام تكبر مشــــكلتنا مالها مجــــناب عنك

الرد:
يامرحبا مثل الذهب وارسى من الصم الرواسي
باللي ليا جات اللزوم ينــــوب مايخـــلف قياسي
وانته جبل راسي ونايف ماتزعزعك الحساسي
اللي جهتنا حافظـــينه واحفظ اللي من جهـــنك

عطيتك المعذار في المحضار لاتقوم دعيه
واللي حصل انته فهمته غير ماجاتك خطيه
وافهم تراه اللي تكلم فيك ذاك يقول فيه
وانته يلو تتبع كلام الناس ماطول زمنك

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

انشهد انك مبدع في الحداااا ماشاء الله بدعك ااقوى
ولايبخس عايش بيض الله وجهك

لله درهم المعابيد في هذه الزواميل المتقنه جداً

والله هذه احسن حداية شفتها صح السنتكم يازبيد