مبشرين حوارها

	المشاركة الأصلية كتبت بواسطة السهم الحربي

	أبدعت أبدعت ياسعد صح السانك ونعم فيك وفي ربعك قصيده شامخه وجدت نفسي محرجا وأنا أقتبس منها كلها تستاهل الي يقتبسها بارك الله فيك لله درك

شاعرنا الجزل مشكور على المرور وماعليك زود الله يبيض وجهك ياراعي المليحا
تحياتي وتقديري

أبدعت أبدعت ياسعد

صح السانك

ونعم فيك وفي ربعك

	المشاركة الأصلية كتبت بواسطة عيسى العوفي

	أبدعت أبدعت ياسعد صح السانك ونعم فيك وفي ربعك

الابداع مرورك الراقي
تحياتي وتقديري

تحيه للجميع

الشاعر الكبير

سعد المحمدي

كفو كفو كفو


ونعم ونعم


فيك وفي ربعك المحاميد
وعز الله
جامعين العلوم الغانمه كلها


صح لسااااانك مليار يابوتركي
وابيض وجه

	المشاركة الأصلية كتبت بواسطة حمدي العوفي

	الشاعر الكبير سعد المحمدي كفو كفو كفو ونعم ونعم فيك وفي ربعك المحاميد وعز الله جامعين العلوم الغانمه كلها صح لسااااانك مليار يابوتركي وابيض وجه

الشاعر الكبير

حمدي العوفي ماعليكم زود ياربعنا عوف والنعم فيكم ياهل الوفى

والكرم والعلوم الغانمه

اسعدني مرورك يابن العم الغالي

قلت واجزلت يابو تركي


مليون مليون صح السانك

ولاعدمناك



تحيتي وتقديري

	المشاركة الأصلية كتبت بواسطة سعد المحمدي

	في حفل ربعي كاسبين الجزيلات = يامرحبا عداد همال الامطار ترحيب نبدابه بارق العبارات = بالحاضرين بحفلنا سر وجهار مثل الذهب صافي ولافيه هفوات = مانقصره عن كل مدعي وزوار يشدي زهور الورد في وسط باقات = واحلا من الحالي حلا عدة امرار عادات ربعي بالليال العسيرات = ذبح الغنم وملاطف الضيف والجار بيوتنا من يوم كنا ذريات = فيها الهتاش الخلا زاد وبهار يامن بنا الجالي ليالي طويلات = هرجن بلا معنى على قايله عار اهل كرم واهل مواقف وعادات = حقايقٍ ماهي سواليف ثرثار خوينا يوم الليال المخيفات = يرقد طويل الليل مايخاف غدار ياناشدٍ عنا ثواني قليلات = واعطيك يالنشاد تفصيل الاخبار حنا محاميدٍ لنا سلم مامات = سوالمٍ من حرب وافين الاشبار منا هل الردات يوم الصعيبات = خيالة الهدلى بعيدين الانظار ان قيل يارجال السعادين هيهات = ركبو هل الهدلى على قحص الامهار ومنا السواعد والتمم وقت الازمات = يردون حوض الموت بالماقف الحار واهل المليحا ملحقين المخلات = ياما اذبحوا من دونها كم سبار مبشرين حوارها بالسلامات = ماهو كلام اللي عطا يمين ويسار والنعم بالوفيان زمل الثقيلات = اهل الكرم صلبين الارياء والاشوار حقوقنا ماتنوخذ بالسهالات = يدرى غضبنا كل فارس وجبار لنا بواد الحمض صوله وجولات = فوق المهار وفوق زينات الاكوار ياما غزينا بالسنين القديمات = نمسي بدار ونصبح الصبح في دار فوق الركايب والامهار الاصيلات = متقلدين اللي يفجن الازوار نجيبها دايم بحد الرهيفات = اليا غطى روس الرمك ملح وغبار ونفكها لاصبحت فايتٍ فات = من دونها نذبح من القوم الاخيار كون المصيقر في للواو بالذات = ابيات نسمعها مع كبار وصغار شاعر جهينه يوم غنا بالابيات = ماقال شيٍ يالمناعير ماصار ويوم الغرابه بين ذيك المنيفات = ياما نذبح من نقوة القوم مغوار على النصيع بصادقات الروايات = طاح العقيد اللي غزى وقت الاسحار رموه ربعي للسباع المجيعات = واللي سلم عطا عن الذود الادبار جونا مع الاخوان غرب وقرابات = الله يايومٍ لهم صار ماصار وعلى الفقير يوم جنا مغيرات = الزلم ذقناهم قراطيع الامرار جمع الشريف مكبدينه خسارات = يوم التقينا راحو القوم عبار والترك جونا بالجموع الغفيرات = يبغون غصب اخضاعنا دون تعبار على جنايزهم طيورٍ محيمات = من طاح مات ومن سلم راح منهار لاخير في هرجٍ بلاشهود واثبات = مثل الذي يبغى الصبخ ينبت ازهار علي مابه يالعوارف ملامات = اليا ذكرت فعول ربعي هل الكار الصدق مايودي طريق المتاهات = وانا كلام الصدق دايم لي اشعار مبغى علي يصير لناس شرهات = وسوالفٍ عوج وطويلات وقصار كلٍ ورى حقه حباله طويلات = الطيب ماهو ملك عامر وعمار الطيب مرقابٍ مراقيه صعبات = عليه مايقدر مراوي وهذار يقدر عليه اللي يحب الجمالات = قرمٍ اليا منه برك للحمل ثار وختامها مني سلام وتحيات = عدد ماهز الهوا غصن الاشجار

ابو تركي


صح لسانك صح لسانك صح لسانك ياولد العم


قلت واجزلت وليست بغريبه عليك الجزاله فأنت شاعر علم تشرف القبيلة التي تنتمي اليها

هنيئاً لنا بك ولقبيلة حرب كلها

لاعدمناك

	المشاركة الأصلية كتبت بواسطة محمد عبدالله البدراني

	قلت واجزلت يابو تركي مليون مليون صح السانك ولاعدمناك تحيتي وتقديري

الشاعر القدير محمد عبد الله البدراني

مشكور على المرور يالغالي ولاهو غريب الطيب

من الرجال الطيبين مثلك وشرواك

اشاده منك اعتز فيها

	المشاركة الأصلية كتبت بواسطة فهد إبن فضيل

	ابو تركي صح لسانك صح لسانك صح لسانك ياولد العم قلت واجزلت وليست بغريبه عليك الجزاله فأنت شاعر علم تشرف القبيلة التي تنتمي اليها هنيئاً لنا بك ولقبيلة حرب كلها لاعدمناك

الاخ والشاعر القدير فهد بن فضيل

ماعليك زود يابن العم

مشكور على المرور ويبقى تعليقك

وشادتك وسام على صدري