(( حصل حاجةٍ ما حست الاَ على الحسَاس))

حصل حاجةٍ ماحست الا على الحساس

أنا البارحه سهران ما ذقت نوم الناس= سهير و عليَ الهم صفَت طوابيره
وقفت وبغيت اجلس ولا طابلي مجلاس= وحار القدم يالله عسى بالامر خيره
وجبت القلم قلت الكلافه على القرطاس= أبكتب وهذا الراي ما شوف به غيره
مدام ان قلبي قام يلعبه الهوجاس= ابا كافح الهوجاس والفكر ابا ديره
سبا يب رفيقٍ لا مخادع ولا بلاس =اخذله طريقٍ فيه لفه وتدويره
مصيبه لكان السوس له بيت بالاضراس= تبي تسوس الاضراس يا سيرة السيره
وترى شرهتي تنصاك يا محرق المحماس=يا راع الكرم والجاه يا طيب الجيره
ياراع الوفاء والمرجله يا عريب الساس= ليا جات من يمك ترى ماهي صغيره
انا ا خبرك رجلاً حذر من ندسة النداس= حكيم وفهيم وتقبل الشور وتشيره
ورفقة مثل شرواك ما بعتها بنحاس = وترى الرجل عند الرجل محفوظ تقديره
ابي منك مضمون الحقيقه كفيت الباس= على شان من وسط الحشى تطفي النيره
انا لي ليالي كل ما ذعذع النسناس= نشدت الهبايب وش وارء هضبة عشيره
ومرسل لها عساس ماجاني العساس = لقا له كريمً ماتمله خطاطيره
وانا بنتظاره صرت بين الرجا والياس= حسب ما سمعت اني مقدر بتقديره
وطاح الحيا ما بين واد الرمه وشماس= وشفنا الربيع الي تسلي نواويره
وجينا على وضح النقاء مع هل النوماس= مسايير للي ما تمله مساييره
ولاجات الحقيقه ما حصل ما ينوش الراس= كمال وجمال ولاحصل منك تقصيره
حصل حا جة ٍ ما حست الاَ على الحساس= وترى الجرح لاشم الهوى زاد تاثيره
على يمينها ويسارها لو نحط اقواس= قراها بليس وراح يضرب مزامبيره
نبى الراي طول الوقت مابيننا ينداس= ما كلٍ على كيفه يوجه مظا هيره

الشاعر علي الحصني

صح السانك يالغالي

الله يبيض وجهك

قصيدة ورائعه

تحياتي وتقديري
عاشق بريده

عـــــــــــــــاشق بريده اشكرك
علـــى مــــــــــــــــــــرورك
والمـــــــــــــــــــــــشرف
مشــــــــــــــــــــــكور
جـــــــــــــــــــــزيل
الشكر وصح بدنك

الشاعر علي الحصني

صح لسانك وماقصرت يالغالي

وبيض الله وجهك

تحياتي لك
الصـ الجارح ـقر

شاعر المحاوره علي الحصني

صح لسانك

وبيض الله وجهك يالغالي

اخوك
سلطان

الشاعر

علي الحصني

صح لسانك على هذه القصيدة الجزلة

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

الصقر الجارح مشكور على مرورك الكريم

سلطان مشكور على مرورك الكريم وردك الجميل هلابك

نا صر العوفي مشكور جزيل الشكر على المرور المشرف