(( ------ ملعـــــــــونـــــــــــه ------))

هاذي الأبيات من نسج الخيال طبعا
وبالأول والأخير أنا ماني شاعر غزل ولا أعرفله لاكان هاذي خربشه ومحاوله بسيطه

أقبلوها بصدر رحب ,,,,

لاتستغل ضـــروفنا ياخلـــــــــي = وتروح تنقض عهدنا وتخونه
خل الخيانــــه يالحبيب تـــولــي = ترى الخيانه عندنا ملعونــــــه
إرجع ورى بالذاكره وأرسلــي = منها شواري حبنا المصيونـــه
يوم أننا ننقز بظهـــر الهلــــي = ونسوقها قدم الفريق بهونــــــــه
خوفٍ يفطّن صوتها المتجلــي = شخصٍ يطيّر بالغريــب عيونه
ويوم أبتعدنا قلت لي بالملــــي = (حبي بقلبك يافهد وشلــــونــــه )
قلت المحبه برجها متعلـــــــي = وبيني وبينك سيرةٍ ميمونـــــــــه
أنا الوفا ياصاحبي من دلـــــي = أقف على روس الركب من دونه
لاتحسبني بالهوى متســــلـــي = قلبي عشقك وكلمتي مضمونــه
ورديت لي في وقتها متحلــــــي = (أنا بحبك يافهد مجنـــــــونــــــه )
(أفتح نوافذ غرفتي وأطلــــــــي) = (كني بداخل غرفتي مسجونـــــــه)
(وإن لحت لي فز الخفوق ايهلي) =( ومع فزته أرسل جديد فنونــــــه)
(شوقي على بنك الغلا متولــــي )= (ولاظن شوقي يشتكي مخزونــه)
قلت أتفقنا وأقبليني كلـــــــــــي = والي يخون نمسكّه حنحونـــــــه
واليوم أشوفك يالغضي متغلــي= تمشي و بعض عهودنا مركونــــه
وأخاف بكره تنقلب متخلــــــي = عن الوفا والسيــره الميمونـــــــه

وسلامتكم

لقد اجدت وابدعت بتمكن وجزاله بهذه القصيده الجميله العذبه سلسة المفردات جميلة المعاني والبحر والقوافي0

كثرلنا من هذا النوع الله يعافيك0

بانتظار جديدك
وسجل اعجابي بماتكتب
تحيتي

	المشاركة الأصلية كتبت بواسطة نداء الغيداني

	لقد اجدت وابدعت بتمكن وجزاله بهذه القصيده الجميله العذبه سلسة المفردات جميلة المعاني والبحر والقوافي0 كثرلنا من هذا النوع الله يعافيك0 بانتظار جديدك وسجل اعجابي بماتكتب تحيتي

مرور الأنقياء أمثالك يشرفني يانداء الغيداني

وأشادتك وسام على صدري

وإعجابك محل أعتزازي

لآهنت وبارك الله فيك

دمت بخير

الشاعر الكبير

فهد مطلق السليمي

صح لسانك شاعر مبدع في جميع اغراض الشعر

تقول خربشات لالالالا بالصميم

قصيده رائعه بروعة شاعرها فهد

تحياتي وتقديري

[table1="width:95%;"]

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شاعرنا القدير


فهد مطلق السليمي

صح لسانك شاعر مبدع في جميع اغراض الشعر

صح السانك وبيض الله وجهك

الاخ العزيز فهد السليمي سلمه الله


بالنسبه للمقدمه انا والله ضدها لان الاغلبية منا عندما يريد طرح قصيدة غزليه هنا اما ان يقول انها من الارشيف او يقول مثل ماقلت وكأننا نتبرأ من غرضٍ من اغراض الشعر طرقه كبار الشعراء ولم يعيبهم فالشعر يبقى شعر باي غرض كان المهم ان يكون شعرا حقيقا


انت من الشعراء المميزين هنا لك الكثير من النصوص القويه التي لايكتبها الا شاعر


وهذا النص كتب تقريبا من غير نفس وربما المقدمه هي مااوحت لي بذلك او روح القصيده !!

لكن الاتقان لم يجانبه اطلاقا وكعادتك دائما
هذا البيت لم يخلو من الروح والشاعريه :

شوقـي علـى بنـك الغـلا متولـي )
(ولاظـن شوقـي يشتكـي مخـزونـه

الف مليون مليون صح السانك

وعلا شانك



تحيتي وتقديري لشخصك الكريم

اخوي العزيز ...الشاعر المبدع .....فهد السليمي
صح لسانك وبيّض الل وجهك ...والله انك ابدعت
قصيده مترابطه تحمل معاني قمّه ...وهذا ليس غريب عليك والابداع انت اهلٍ له يافهد
(هذي تقول خربشه ...عادكيف اللي ماهي خربشه مشألله عليك )
خربشاتك يافهد اللي تقول ...عندنا قمّه يشهد الله

تحياتي وتقديري