قصيدة الرد/ على ولد شمر

.
.
.
هذه قصيدة ولد شمر في حرب (صح لسانه)
وهو أمر يحسب له (بيض الله وجهه)
http://www.m-harb.net/vb/showthread.php?t=90805
وهذا ردي
وأرجو إني أكون وفيت
والمعذرة إن حصل قصور

حي الله اللي ذكرهم مايباله=قاضي ولامحامي ولااحْضور شهّاد
الشمري تلقى الكرم من خصاله=من كانت الدنيا وله معه ميلاد
من عصْر حاتم والكرم راس ماله=متوارثين الطيب جدّان لاحفاد
كم امّغبونٍ كدر الوقت باله=جاهم ولاودّه على ربعه ايعاد
كد هاض ابن ولمان يومه طراله=وابدع بقافٍ مايعيّبه نقَّاد
من شوقه إلنزل العليّان قاله=والفكر يقبس لاصدف شوق وقَّاد
ماهي ابحكاية شوق ياليل لاله=ألا حكاية طيّب اوحنّ لاجواد
خوتنا معهم من عصور الجهاله=اوكون بقعاء يشهد ابعلمٍ اوكاد
ماهمنا والله من أهل النذاله=والشك زايل ياولد والغلا زاد
ماقول هرج ألا وعندي دلاله=والشعر راهي والهواجيس ورّاد
جبت اللي جبته من قصيد بعجاله=والمقصد إن الطيب في شمر ابلاد

محمد العياضي الحربي

الأخ الشاعر/ محمد العياضي . مع التحيه والتقدير .


أبدعت وصدقت في ماقلت والله ... شكرا لك من القلب والود والوفاء محفوظ بيننا الله يحفظك من كل شر ولامنك قصور

وقصيدتي مجرد شعور صادق لقبيلة حرب والأ مقامها أكبر من القصيد ولكنها مشاعر لابد لي من أظهارها .


شكرا ... وصح لسانك ولاهي غريبه من الوافين أمثالك .

	المشاركة الأصلية كتبت بواسطة ولد شمر

	الأخ الشاعر/ محمد العياضي . مع التحيه والتقدير . أبدعت وصدقت في ماقلت والله ... شكرا لك من القلب والود والوفاء محفوظ بيننا الله يحفظك من كل شر ولامنك قصور وقصيدتي مجرد شعور صادق لقبيلة حرب والأ مقامها أكبر من القصيد ولكنها مشاعر لابد لي من أظهارها . شكرا ... وصح لسانك ولاهي غريبه من الوافين أمثالك .

أخوي ولد شمر
لنا مع شمر رفقة وجيرة ونسب
ومشاعرك الصادقة تلك
يبادلها معك كل حربي
وفي ملتقى حرب الرسمي
نرحب بك أجمل ترحيب ونحييك
وننتظر منك الإبداع
والفائدة في شتى الأقسام
::
صح بدنك ولد شمر
وحياك ربي وبياك

خشمك ياكعام العايل


بيض الله وجهك بيض الله وجهك


ويستاهلون شمر

	المشاركة الأصلية كتبت بواسطة بدر الهويملي

	خشمك ياكعام العايل بيض الله وجهك بيض الله وجهك ويستاهلون شمر

خشمك يابعدي
ومااقول بالطنايا شي يستاهلون كل علم غانم
والله لايهينك أخوي بدر على مرورك

الشاعر القديركعام العايل
صح لسانك وبيض الله وجهك على الرد على اخونا الشاعر القديرفهيد الشمري
شمر يستاهلون الطيب وانت من الرجال الطيبين
طابت ايامك يالغالي

	المشاركة الأصلية كتبت بواسطة سعد المحمدي

	الشاعر القديركعام العايل صح لسانك وبيض الله وجهك على الرد على اخونا الشاعر القديرفهيد الشمري شمر يستاهلون الطيب وانت من الرجال الطيبين طابت ايامك يالغالي

ماعليك زود شاعرنا سعد المحمدي
وبيض الله وجهك على مرورك

كعام العايل

صح السانك واعتلا شانك على الرد الوافي

وقبيلة شمر قبيله عزيزه وتستاهل المدح والثناء

بيض الله وجيهكم جميع

والله لايهينكم

دمت بخير

صح لسانك وبيض الله وجهك

ياكعام العايل

رديت وفيت يابيض الوجه
نبت عن حرب وفي محلك يالقرم

وحيالله ولد شمر وصح لسانه

والنعم فيه وفي ربعه

تحياتي وتقديري

	المشاركة الأصلية كتبت بواسطة خالد بن مبيريك

	صح لسانك وبيض الله وجهك ياكعام العايل رديت وفيت يابيض الوجه نبت عن حرب وفي محلك يالقرم وحيالله ولد شمر وصح لسانه والنعم فيه وفي ربعه تحياتي وتقديري

صح بدنك أخوي خالد .. وبيض الله وجهك
وأبد ماسويت شي واجبي وقمت فيه
وأعلم تماما أن هنالك من هم أفضل مني
ولكن قد تمنعهم مشاغلهم ومروره السريع
وعموما أنعم بربعٍ تسابقو على الطيب
ولصار الطيب من ربعي
ماكنّي ألا طيّب وبنهض راسي