ثار الفــــــــــــــكر.......!!!

السلام عليكم ورحمة الله وبركاته
ـ
ـ
ـ
ـ
ـ
ـ
ـ
ـ

غبتي وثار الفكر ماعانق النوم
وأشعل براكين الفؤاد الدفينه
انظر لوجهك بالقمر فوق مرسوم
وأشهِد على نفسي ليالي حزينه
حالي سقيم وهاجس البعد ملزوم
فيه الثواني بالسنه من سنينه
كني سجين(ن) حال ظالم لمظلوم
عيّا يزيح الظلم تضرب يدينه
العام قلتي بحبك القلب محكوم
واليوم حكمه للمشاعر يدِينه
رمح الهوى صاب العزيزين بسهوم
وأنا عزيز وصابني فيه زينه
حاولت عكس الموج مبطي عسى يوم
يرقى خفوقي فالبحر لسفينه
مافاد فيه العوم ومافادني عوم
جرح الهوى ينزف أماني حنينه
ليتك تشوفين الغلا كيف محروم
وشلون حاله كيف ماتت يمينه
هل هو كذا دايم على طول مكلوم
وإلا الفرح حزات ياوين وينه
سافر ولا له فالمخاليق مفهوم
راح وسبايب رحلته ياسمينه
الا عبارة خطها فيك معصوم
تشهد عليها روح تسعى لدينه
إنك غرامه دايم الدوم مغروم
يكفيه رغم البعد لو ماتجينه


اخوكم:فهد الصبحي

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يافهد

ولاهنت يالغالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وسلم بيانك
على الابداع

صح لسانك شاعرنا القدير فهد الصبحي

جزل ولاتجيب غير الجزل

غبتي وثار الفكر ماعانق النوم ..واشعل براكين الفؤاد الدفينه

بيض الله وجهك وصح لسانك تقبل مروري

الشاعر فهد الصبحي
صح لسانك

الشاعر

فهد الصبحي

صح لسانك

تقبل مروري