اول مره بين صياف وفازع حمدي العوني(الصيده)

صياف=
البروق تلـوح يافـازع ولـدري وش وراهـا=والبحر مالح وبعض الناس عيوا يشربونه
الحرار السود يبسن ما يبل الحلق ماها=مير روحـوا للطعـام اللـي منـول تاكلونـه

فازع=
لاتخيل بروق يامخلوق في عالي سماها=والبحر له تحليه والـراس عـزه مـن متونـه
الحرار السود تقعد من خلاها في خلاهـا=مانبا بعض الطعام اللـي وراه يحـول دونـه

صياف=
عمـك اللـي عـام الأول كـل ماتهـدم بناهـا=التفت يمـك بعينـه واختلـف شكلـه ولونـه
طاسة الراعي تغطى والهواء طيـر غطاهـا=والعرب زعلوا على الراعي وقاموايشمتونه


فازع=
عمي اللي عام الأول طرقته قـام وحماهـا=ميـر ميـت عـام الأول قــدم وقـتـه تبعثـونـه
طاسة الراعي ليا ذلـوان تذلـم مـن ملاهـا=تشتهون الدرب الأعوج والسنع ماتشتهونه

صياف=
فالزمان الشين اشوف الناس لدت فعملاها=ذاك يـرمـونـه وراء الـغـبـه وهـــذا يـظـهـرونـه
بطنك احمر يوم جم البير يطلع مـن شفاهـا=كيف عقب اقفت وحتـى بالرشـا ماتلحقونـه


فازع=
فالزمـان الشيـن عينـك ماتلـفـت فاقربـاهـا=مار ذا هالوقت حبل الوصل قمتـوا تقطعونـه
وانت الك عشرين نيه والجبال ارسا حصاها=والربـيـع ان قــدر الله قسـمـنـا ماتـاخـذونـه

بيض الله وجهك على النقل ورحم الله صياف

بيض الله وجهك و يعطيك العافية...و الله يرحم صياف و يسكنه الجنه
بإنتظار جديدك

االله يعطيكم العافيه على المرور
بيض الله وجيهكم

الله يرحم صياف ويسكنه الجنه ومشكوووووور يالوافي الله يعافيك يابو نواف