سلام الله سلامٍ يفرق العادي من المنتاز

سلام الله سلامٍ يفرق العادي من المنتاز=سلام من بعده يبين المنتاز والعادي
وانا ودي اهوز مهجرس اللي قبل ماينهاز=عسانا ناجده ياصحابنا في حلبة المادي

صح الله لسانك يا ابو أحمد على طاروق الجزل وليس غريب عليك ومجرس الليله طويله ليلته الله يعينه

	المشاركة الأصلية كتبت بواسطة محمد عويض البدراني

	صح الله لسانك يا ابو أحمد على طاروق الجزل وليس غريب عليك ومجرس الليله طويله ليلته الله يعينه

صح الله بدنك يابو عويض لاهنت ولاعليك زود وجودك اجزل ياخوي ابو فارس عن اربعين فارس لكن الاتحاد قوه على مايقلون لازم هجوم مركز عليه من كل الجبهات وعلى عدة محاور وإلا الهجوم الفردي مايسوي شي لكن تقدم يابو عويض والهجوم عندك وانا مساند لك

	المشاركة الأصلية كتبت بواسطة مضحي بن جمران

	صح الله بدنك يابو عويض لاهنت ولاعليك زود وجودك اجزل ياخوي ابو فارس عن اربعين فارس لكن الاتحاد قوه على مايقلون لازم هجوم مركز عليه من كل الجبهات وعلى عدة محاور وإلا الهجوم الفردي مايسوي شي لكن تقدم يابو عويض والهجوم عندك وانا مساند لك

الله يكفينا شركم في مايشأء

صح الله لسانك شاعر كبير وجزل يامضحي وكالعاده ولاغريب عليك الجزاله
ننتظر مهجرس الحرف ليكتمل الابداع تابعو ونتابع

	المشاركة الأصلية كتبت بواسطة بدر بن شطيط الحربي

	صح الله لسانك شاعر كبير وجزل يامضحي وكالعاده ولاغريب عليك الجزاله ننتظر مهجرس الحرف ليكتمل الابداع تابعو ونتابع

صح الله بدنك وشهادتك وسام على صدورنا سلمت ودمت ولاعليك زود ياشاعرنا المبدع لاهنت

هلا يامرحبا ياللي تسلم واركز المركاز=على وضح النقاء وان كان خربت مضحي البادي
انا خابرك عاقل تدري ان الضلع ماينراز=لو انك راس حربه لاتحسبه كورة النادي

يدوم ابك البقاء لكنها هوشه بلا حجاز=واظن الجو به غيمه لها بارق ورعادي
وانا مادور الا مثلكم بالطيبه يمتاز=ويحسب عن سريه كامله عتاد وافرادي

ليا دورتنا مانتقي دام الحجاز حجاز= نبا نقعد معك ونقوم حسب اسلوم الاجوادي
ترانا ياولد جمران نمزح والنفوس اعزاز=لو ان المزح بعضه شبهوه بشوك الاكبادي

نعرف انك هنا وهناك يافايز ويافواز=واعرف ان الحيا في ديرته ماعنه نشادي
ياراع الددسن اللي مجهرك بالدرب ليت الغاز=علامك كل مايكشح عليك تصيح وتنادي