ردي على قصيدتي

لاعاد تسألنـي ولانـي بسائلـك=خلاص مابينـي وبينـك علاقـه
مضت ثلاث سنين وانا اتحملـك=وفتحت لك في الصدر عشرين طاقه
فيما مضى ملكتني بالهوى ملـك=عندك على مدخال قلبـي بطاقـه
واليـوم لاوالله مانـي مجاملـك=ولاعادبه بينـي وبينـك صداقـه
لالاتراسلنـي ولانـي مراسلـك=لوتعتبرها سـو فهـم وحماقـه
اسف وسوري عندنـا ماتجملـك=ماكل محروق(ن)تـداوي حراقـه
ماكل جرح دواه اااسف و ماتلـك=وش عاد لو معها من الورد باقه
بلسم جروح القلب ساعة مقابلك=ليا عطيته مـن علاجـك ذواقـه

بما اني قسيت في القصيده اعلاه حبيت ارد عليها بهذه الابيات

لجـاك يتاسـف حبيب(ن)مزعـلـك=اقبل منـه عـذره وحـر اشتياقـه
انس الخطا وانس الزعل حين ياصلك=وضيـق نطاقـه لاتوسـع نطاقـه
عامل حبيبك مثـل ماهـو يعاملـك=وزودعلى صاعه بصاعـك الحاقـه
اقبل منه عـذره عسـى الله يقبلـك=مع السامحين المصلحيـن الرفاقـه
وخله يداوي جرح هجـره ويجعلـك=بمواصلـه تنسـى مـرارة فـراقـه
محبوب قلبـك مستحيـل يتجاهلـك=مهما حصل له في الزمان اصطفاقـه
اترك كلام الناس والهـرج والكلـك=وعامل حبيبك فـي حنـان ولباقـه
ترى الزعل مابينكم يقطـع السلـك=ويبقى الرضا عقب الزعل لك شفاقه

صح لسانك مليون
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون والله يـعـطـيـك الـعـافيـــــــــــة بيض الله وجهك

صح بدنك
ووجهك ابيض
والله يعافيك
تحيتي

قصيده جزله

ورد اقوى

وصح الله لسانك

	المشاركة الأصلية كتبت بواسطة لازم اسجل

	قصيده جزله ورد اقوى وصح الله لسانك

صح بدنك
وشكرالك
على الاشاده
تحيتي

صح لسانك ابيات جميله يعطيك العافيه

	المشاركة الأصلية كتبت بواسطة ابوهليل

	صح لسانك ابيات جميله يعطيك العافيه

صح بدنك
وشكرلك
على مرورك الطيب
تحيتي

صح لسانك مليون
والله يـعـطـيـك

	المشاركة الأصلية كتبت بواسطة حمدفهيدالحربي

	صح لسانك مليون والله يـعـطـيـك

صح بدنك
والله يعافيك
تحيتي

الله يالغيداني
صح لسانك

ويقول المثل العاقل خصيم نفسه
قصيده جزله من شاعر جزل
ورد مقنع من شاعر جزل