مرثية في اختي رحمها الله

بسم الله الرحمن الرحيم
هذه القصيدة كتبتها في رثاء اختي التي توفيت اثر حادث مروري في تاريخ28/7/1426هـ سائلين
المولى تبارك وتعالى ان يتغمدها بواسع رحمته,, وان لا يريكم أي مكروه

لاتحرموها من دعاءكم,,

دمتم بحفظ الله سالمين
مرثية ام بندر

ياعين هلي دمعتك لين تقضين=الدمع في بعض المواقف شهامه
ياعين كنتي بالوعد دوم توفين=ودرب الوفا دايم لطبعك علامه
ابكي على اختي(بنت متروك) ياعين=وصافي دموعك سارعي بـاغتنامه
ياعين اخوها ذاق مر العذابين=من حر فرقاها تكدر منامه
دمعك حرمني شوفها كان تدرين=ولاني بشايفها ليوم القيامه
عاى مشارف قبرها يوم تبكين=يوم الكفن والحنط فكو حزامه
الدمع غطى ناظرك ماتشوفين=من دونها غطاك مثل الغمامه
سوي على كيفك مثل ماتسوين=مايلحقك باغلى خواتي ملامه
السبت في تاريخ تسعه وعشرين=اخر رجب سته وعشرين عامه
جاني خبر قال امس بين الصلاتين=عصيرقبل الليل يوفي ظلامه
حصل تصادم والجماعة سليمين=الا(ام بندر)ماكتب له سلامه
بغى يتوقف خافقي والشرايين=والجسم عيت لاتشيله عظامه
تدفن صلاة الظهر والظهرهالحين=ومشيت قبل انه يخلص كلامه
ساعه وساعه باقيه ماتكفين = قل للمؤذن ينتظر فالاقامه
وصلت مع لحظة خروج المصلين = والدرب باهل الخير زاد ازدحامه
الناس واغلبهم من الربع الادنين= اللي يسلم منتبهت لسلامه
ولحظة وصول الغاليه بين غالين = ياحي جسم(ن) خف ريش النعامه
الله يوسع فالقبر لين ترضين = بامر العزيز اللي رفيع(ن)مقامه
وفي جنة الرحمن في دارعلين = تسكن مع اهل الحسن والاستقامه
بين القطوف الدانيه والرياحين = وانهار من حولك وريح الخزامه
يشهد لها ربي والاقصى والادنين = وكل القرايب من خوال وعمامه
ارضيتي الله والبشرعنك راضين = يلي رحيلك يوم جمعه ختامه
جريح يا(مساعد)وانا في جرحين = واللي يلومك يستحق الملامه
تبغى العزا مني وانا من يعزين = كني رضيع(ن)عند حزة فطامه
قال المثل ماحد(ن)يوص الحريصين = اوصيك لين البدر يكمل تمامه
قل للصغيره للجرس لاتروحين = الناس فيها يامساعد غشامه
من خوف لاتسئل يقال امها وين = يعنى بمعنى مختصر(وين مامه)
لافيه من يسئل ولا الناس دارين = والهم يسري فالضلوع اللتهامه
لجة ضلوعي لاذكرت الصغارين = من لابس الشيله وراعي العمامه
قل للولد تكفى وللبنت تكفين = ممكن يعوض يتمها بابتسامة
لاشك انا مايكتب الله يرضين = وحلو الكراء ماظنى اقدر انامه
الضيف يكرم في ديار الكريمين = وكرامة الله مابعدها كرامه

	المشاركة الأصلية كتبت بواسطة عبدالرحمن العقيلي

	بسم الله الرحمن الرحيم هذه القصيدة كتبتها في رثاء اختي التي توفيت اثر حادث مروري في تاريخ28/7/1426هـ سائلين المولى تبارك وتعالى ان يتغمدها بواسع رحمته,, وان لا يريكم أي مكروه لاتحرموها من دعاءكم,, دمتم بحفظ الله سالمين مرثية ام بندر ياعين هلي دمعتك لين تقضين=الدمع في بعض المواقف شهامه ياعين كنتي بالوعد دوم توفين=ودرب الوفا دايم لطبعك علامه ابكي على اختي(بنت متروك) ياعين=وصافي دموعك سارعي بـاغتنامه ياعين اخوها ذاق مر العذابين=من حر فرقاها تكدر منامه دمعك حرمني شوفها كان تدرين=ولاني بشايفها ليوم القيامه عاى مشارف قبرها يوم تبكين=يوم الكفن والحنط فكو حزامه الدمع غطى ناظرك ماتشوفين=من دونها غطاك مثل الغمامه سوي على كيفك مثل ماتسوين=مايلحقك باغلى خواتي ملامه السبت في تاريخ تسعه وعشرين=اخر رجب سته وعشرين عامه جاني خبر قال امس بين الصلاتين=عصيرقبل الليل يوفي ظلامه حصل تصادم والجماعة سليمين=الا(ام بندر)ماكتب له سلامه بغى يتوقف خافقي والشرايين=والجسم عيت لاتشيله عظامه تدفن صلاة الظهر والظهرهالحين=ومشيت قبل انه يخلص كلامه ساعه وساعه باقيه ماتكفين = قل للمؤذن ينتظر فالاقامه وصلت مع لحظة خروج المصلين = والدرب باهل الخير زاد ازدحامه الناس واغلبهم من الربع الادنين= اللي يسلم منتبهت لسلامه ولحظة وصول الغاليه بين غالين = ياحي جسم(ن) خف ريش النعامه الله يوسع فالقبر لين ترضين = بامر العزيز اللي رفيع(ن)مقامه وفي جنة الرحمن في دارعلين = تسكن مع اهل الحسن والاستقامه بين القطوف الدانيه والرياحين = وانهار من حولك وريح الخزامه يشهد لها ربي والاقصى والادنين = وكل القرايب من خوال وعمامه ارضيتي الله والبشرعنك راضين = يلي رحيلك يوم جمعه ختامه جريح يا(مساعد)وانا في جرحين = واللي يلومك يستحق الملامه تبغى العزا مني وانا من يعزين = كني رضيع(ن)عند حزة فطامه قال المثل ماحد(ن)يوص الحريصين = اوصيك لين البدر يكمل تمامه قل للصغيره للجرس لاتروحين = الناس فيها يامساعد غشامه من خوف لاتسئل يقال امها وين = يعنى بمعنى مختصر(وين مامه) لافيه من يسئل ولا الناس دارين = والهم يسري فالضلوع اللتهامه لجة ضلوعي لاذكرت الصغارين = من لابس الشيله وراعي العمامه قل للولد تكفى وللبنت تكفين = ممكن يعوض يتمها بابتسامة لاشك انا مايكتب الله يرضين = وحلو الكراء ماظنى اقدر انامه الضيف يكرم في ديار الكريمين = وكرامة الله مابعدها كرامه

الله يجبرك عزاك بالفقيده ويرحمها بواسع رحمته وتستاهل الاخت وكل غالي من يصخي بهل المدامع عليه ولكن يقول الشاعر
(لو ان الدمع لي يرد غالي =لاسيل واديٍ ماسال سيله) والله يلوم من لامك لاهنت على هالدرر الثمينه وصح الله لسانك ياشاعرنا الجزل عبدالرحمن العقيلي على المرثيه الوافيه وبيض الله وجهك

	المشاركة الأصلية كتبت بواسطة مضحي بن جمران

	الله يجبرك عزاك بالفقيده ويرحمها بواسع رحمته وتستاهل الاخت وكل غالي من يصخي بهل المدامع عليه ولكن يقول الشاعر (لو ان الدمع لي يرد غالي =لاسيل واديٍ ماسال سيله) والله يلوم من لامك لاهنت على هالدرر الثمينه وصح الله لسانك ياشاعرنا الجزل عبدالرحمن العقيلي على المرثيه الوافيه وبيض الله وجهك

مرحبا ملايين اخوي مضحي
لاهنت لاهنت على مرورك وشعورك الدال على طيب اصلك وعلو خلقك
الله يقبل دعاءك وبيض الله وجهك
وتقبل خالص احترامي وتقديري
دمت بخير

..
صح لسانك وسلم بنانك شاعرنا عبد الرحمن العقيلى
مرثيه يتوشحهها الكثير من الحزن والم الفراق ..
الله يجبر مصابك ياخوى ويعوضك بأبناءها خير
ويرحمها ويغفر لها
ويرحم امى وابوى وجميع موتى المسلمين
ويغفر لهم جميع ..
تقبل تحياتى وتقديرى
حفظك الله ورعاك
..

	المشاركة الأصلية كتبت بواسطة عبق الحروف

	.. صح لسانك وسلم بنانك شاعرنا عبد الرحمن العقيلى مرثيه يتوشحهها الكثير من الحزن والم الفراق .. الله يجبر مصابك ياخوى ويعوضك بأبناءها خير ويرحمها ويغفر لها ويرحم امى وابوى وجميع موتى المسلمين ويغفر لهم جميع .. تقبل تحياتى وتقديرى حفظك الله ورعاك ..

عبق الحروف

صح بدنك ملايين والف على المرور والكلام والدعاء للفقيدة بالرحمة

الله يقتقبل دعاءك

دمتي بخير

رحم الله الفقيدة و اسكنها في فسيح جناته

و ان يرحم اموات المسلمين و المسلمات و يدخلهم في جنات النعيم

	المشاركة الأصلية كتبت بواسطة عبدالعزيز الزويهري

	رحم الله الفقيدة و اسكنها في فسيح جناته و ان يرحم اموات المسلمين و المسلمات و يدخلهم في جنات النعيم

امين لدعاءك ياعبدالعزيز

وبيض الله وجهك

تقبل تحياتي

اللهم اغفر لها وارحمها وابدلها دار خير من دارها وأهل خير من أهلها

نسأل الله أن يدخلها فسيح جناته

وأن يلهم اهلها الصبر والسلوان

	المشاركة الأصلية كتبت بواسطة الحب الباقي

	اللهم اغفر لها وارحمها وابدلها دار خير من دارها وأهل خير من أهلها نسأل الله أن يدخلها فسيح جناته وأن يلهم اهلها الصبر والسلوان

الحب الباقي

امين لدعاءك وبيض الله وجهك

تقبل تحياتي

صح لسانك وسلم بيانك
شاعرنا عبد الرحمن العقيلى
رحمها الله وسع نزلها
والاخت كا الام