يروز الروس واللي خف شاته شوتة الكوره

سلام الله سلامٍ ياخذ الشعار عرض وطول=يروز الروس واللي خف شاته شوتة الكوره
مثل شوت البلنتي والبلنتي دايمٍ بالقول=وزعل فرقة الخسران والا ذيك مسروره

هلا يا مرحبا ترحيبتاً لاهل الوفا بوصول = أرحب بالنيابه في رجال الطيب مذكورة
ماكل بلتني يا ولد جمران يلقاله قبول = يروح يمين والا فوق منه الرجل مكسوره

يدوم الك البقاء يابو عويض وصلك المرسول=وانا اقول السنافي يعساه يقوم في دوره
تضيع الفرصه السهله على راع العيون الحوول=وندري كل طيرٍ يشبعه يالقرم منقوره

أنا لاشفت من مثلك عرفت ان المزن بثعول = واخاف السيل يشيل القرى وتصير مهجوره
نزلت السوق قبل ايام جاني واحدن مهبول = وأنا حشم رجالً مثل حد السيف مسطوره

مدام انك تشوف ان المطر ماهو رشاش سيول=ومن سفح الجبل حول بدربه ينحت صخوره
تحرص وانتبه رجلك تحول بك على المجهول=على درب الخطا خذرا تسوق الرجل مجبوره

أنا ماعرض الا لسيول اللي تصول تجول= والا ضحضيح الرشاش مامنه الدار معموره
أنا ماخاطب إلا مع رجالً صاحيه بعقول = لكن المشكله باللي تعرض يمشط شعوره

صحت السنتكم

	المشاركة الأصلية كتبت بواسطة حمدفهيدالحربي

	صحت السنتكم

صح الله بدنك يابو فهيد وحياك الله

	المشاركة الأصلية كتبت بواسطة حمدفهيدالحربي

	صحت السنتكم

صح الله بدنك

صحت السنتكم
والله يـعـطـيـكم الـعـافيـــــــــــة
بيض الله وجيهكم