المدرسه طلاب وأستاذ ومدير ،،،،،،،،،،،،،،،،،،،،،،،،،

سلام والدنيا رحاها تستدير = تمشي معك قدّام وتريوس ورا
المدرسه طلاب وأستاذ ومدير = والناس ما بين الثريا والثرا

المبدع والمتألق حفيد الحجيري اللعب معك ماينعاف لكن انا معي محاورة الان مع أبراهيم القرون
واشيد بهذا الطاروق الرائع واقول صح لسانك وفي انتظار من يكمل معاك الابداع

	المشاركة الأصلية كتبت بواسطة حفيد الحجيري

	سلام والدنيا رحاها تستدير = تمشي معك قدّام وتريوس ورا المدرسه طلاب وأستاذ ومدير = والناس ما بين الثريا والثرا

يا مرحبا بالشاعر اللي له هدير= وصف لنا الدنيا و هو كنه يرى
من فوق ذولا كلهم رجلٍ خطير= إسمه "موجِّه" عارفٍ باللي جرى

نتابع مباشر بعد العشاء

لا تأخر يالحفيد

	المشاركة الأصلية كتبت بواسطة الصييفي

	يا مرحبا بالشاعر اللي له هدير= وصف لنا الدنيا و هو كنه يرى من فوق ذولا كلهم رجلٍ خطير= إسمه "موجِّه" عارفٍ باللي جرى نتابع مباشر بعد العشاء لا تأخر يالحفيد

تبقى يا راع الطيب من قلب وضمير = ياللي تسوق القاف خمسين وسرا
في تالي الأزمان والوقت الأخير = كلن يقول آنا خليفة عنترا

	المشاركة الأصلية كتبت بواسطة حفيد الحجيري

	تبقى يا راع الطيب من قلب وضمير = ياللي تسوق القاف خمسين وسرا في تالي الأزمان والوقت الأخير = كلن يقول آنا خليفة عنترا

اعرف ترى عمر الفتى دايم قصير= يا ما فقدنا من بعيدٍ و قصرا
لكن سعيد الحظ من يصبح بصير= يعدّ لآخرته بدنياه ادبرا

	المشاركة الأصلية كتبت بواسطة الصييفي

	اعرف ترى عمر الفتى دايم قصير= يا ما فقدنا من بعيدٍ و قصرا لكن سعيد الحظ من يصبح بصير= يعدّ لآخرته بدنياه ادبرا

آسف على التأخير ولكن انشغلت غصبا عني واستلم ،،،،،،،،،،،،

كلن على حسب عمله يلقى المصير = والعفو من رب السما والمغفرا
الرغي للناقه وللهدر البعير = لكنّ ما تجني من الحمض اِثمرا

	المشاركة الأصلية كتبت بواسطة حفيد الحجيري

	آسف على التأخير ولكن انشغلت غصبا عني واستلم ،،،،،،،،،،،، كلن على حسب عمله يلقى المصير = والعفو من رب السما والمغفرا الرغي للناقه وللهدر البعير = لكنّ ما تجني من الحمض اِثمرا

السيف ما يقطع و هو وسط الجفير= ويا ناظر الحمله ترا الناس نظرا
يا صاحبي كلامكم هذا خطير= و يقطعك ياللي ما تفيدين شجرا

	المشاركة الأصلية كتبت بواسطة الصييفي

	يا مرحبا بالشاعر اللي له هدير= وصف لنا الدنيا و هو كنه يرى من فوق ذولا كلهم رجلٍ خطير= إسمه "موجِّه" عارفٍ باللي جرى نتابع مباشر بعد العشاء لا تأخر يالحفيد

صح لسانك يادكتورنا العزيز ابو الوليد واصلو وازلو الصفوف والكل متابع لهذه المحاوره الراقيه من الطرفين

	المشاركة الأصلية كتبت بواسطة مضحي بن جمران

	صح لسانك يادكتورنا العزيز ابو الوليد واصلو وازلو الصفوف والكل متابع لهذه المحاوره الراقيه من الطرفين

أرررحب يا مراقبنا الفذ مضحي بن جمران

صح بدنك ومشكور لمتابعتك

لا هنت

يظهر الحفيد مهوب حولنا

نبي نتابع مباراة ريال مدريد

غدا نلتقي

صح الله لسنتكم مبدعين متابع