وصلتني مجاره لقصــيدة ياهاجسي وحبيت انقلها لكم

دنياء دنيه مابها شخـص مرتـاح
حتى الصغير اليوم نفسه حرمهـا
ياهاجسي خل الحزن هات الافراح
هات العلوم اللي تنومـس قلمهـا
قال المفارق كله سهـوم ورمـاح
نـاس ٍ يعذبهـا ونـاس ٍ خدمهـا
والدمع ياحمـد مدلهـم ٍ وفضـاح
ناس ٍ يريحهـا ونـاس ٍ ظلمهـا
والغدر مفعوله على الروح ذبـاح
ونفوسنا تاباء الغدر مـن شيمهـا
ياهاجسي وين الفرح كلك جـراح
وفراح قلبـي تـو نكـس علمهـا
دنياء دنيه مابهـا عـز وأربـاح
مدام بعض الناس باعـت ذممهـا
مجاراة الشاعر/جمعان خلف الرشيدي


الصدر صنـدوقٍ بضبـه ومفتـاح
محدٍ يعرف اسـراره اللـي كتمهـا
واليا فتح طارت بالاسرار الاريـاح
خزنـة بخيـلٍ والوريـث استلمهـا
انظر بعين العقل وتشوف الاربـاح
والطيّبـه يربـح بهـا مـن فهمهـا
والسالفه لاصارت خيـوط مسبـاح
ماخاب من قـام وجمعهـا ونظمهـا
من يطلب العليا ويسعـى للاصـلاح
يصبر وفرصـات العمـر يغتنمهـا
والحر الاشقر لو نفض ريشه وراح
يرجع على جبـالٍ طـوالٍ قممهـا
الوكر وكره لـو يهاجـر وينـزاح
ماتطلع القسمه مـع اللـي قسمهـا
وترى الجمل وان حاولو طيحته طاح
رجله خطيـر يـزل فيهـا قدمهـا
ومن بعدها لاتلحق اللـوم بصيـاح
مايرحـم النفـس الحزينـه ندمهـا

مشكور يا احمد على النقل وصحت السن الشعراء

	المشاركة الأصلية كتبت بواسطة القلب الابيض

	مشكور يا احمد على النقل وصحت السن الشعراء

صح بدنك ولاهنت على المرور الجميل

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك وجهك بيض ولاهنت على المرور العطر

مودتي

أخي القدير أحمد شكرا على هذا النقل الرائع

والذوق الآاروع وصحت السنة الشعراء

وصح لسانك انت دمت بهذا الوجود

تقبل تقديري واحترامي

	المشاركة الأصلية كتبت بواسطة محمدعبدالكريم

	أخي القدير أحمد شكرا على هذا النقل الرائع والذوق الآاروع وصحت السنة الشعراء وصح لسانك انت دمت بهذا الوجود تقبل تقديري واحترامي

صح بدنك ولاهنت على المرور العطر

لك صادق الود والاحترام