(خبر عاجل على قناة الجزيره )

04-04-10, 05:39 PM

/
/
/
/
/
/
/
/
/
/
/
/
/
/
اخواني الكرام هذه القصيده كتبتها قبل ثلاث سنوات تقريبا وقد اجريت عليه بعض التعديلات
وقد التقيت بمراسل قناة الجزيره في ساحة المسجد النبوي الشريف بالمدينه المنوره عند قيامه
بإجراء لقاءات مع الحجيج واعجب بها وقال لي عوده معك للنشرها في قناة الجزيره

بثوا على الاعـلام قصـة غرامـي=ياللي على اخبار الجزيـره تبانـون
جميل بن عازر مع أحمـد وسامـي=مع بنة قنّه لـو سمحتـوا تذيعـون
خلوا جميع النـاس تعـرف هيامـي=واللي درا يخبر به اللـي مايـدرون
ابغى وليف الـروح يـدري علامـي=واهله بما يجـري بحالـي يعرفـون
قولوا لهـم حالـي بعدكـم عدامـي=يمكن علـى قلـب المولـع يحنـون
من بعدكم صاب الحشا جرح دامـي=وجرح الهوى سقمه كما سقم طاعون
وآقلبـي اللـي صوبتـه السهامـي=مافيه مثلي بالهوى صـار مجنون
ماصاب عنتـر فالسنيـن القدامـي=ربع الذي في داخل القلـب مكنـون
جريت ونّاتـي فـي ليـل الضلامـي=كني غديت بجـر الآهـات مفتـون
يشهد على حالي طيـور الحمامـي=بعد الذي بامـره جعلهم يطيـرون
وياهل الجزيـره لاوصلكـم كلامـي=بثوا خبر عاجل على الناس تكفـون

الشاعر/ خالد بن عبيد بن معتوق ألأحمدي