قالو اشبك صايرِ جسمك نحيل

السلام عليكم ورحمة الله وبركاته

اطرح بينكم هذه الابيات المتواضعه اتمنى ان تنال اعجابكم :

قالو اشبك صاير(ن) جسمك نحيــل=وشارد(ن) فكرك وش اللي لك جــرا
قلت انا في خير يا ناشد عليــل=ما علي اخلاف يا ناشد تــرا
احبس الدمعه في عيني لاتسيــل=واكتم اللي داخلي محد(ن) درا
اتبسم غصب ماهو من قليــل=شي(ن) بقلبي سبايب مايــرا
حاير(ن) ماعاد لي قوه وحيــل=العيون ابصار ويديني اقصــرا
مل صبرى من عنى وقت(ن) طويــل=كل ما قلت انتها يرجع ورا
ضاقت الدنيا عليه تقل ميــل=ذقت فيها المر والهم اخشــرا
ليتني ماكنت فيها لو قليــل=عفت ها الدنيا وما فيها طــرا
ما تهنا في منامي كل ليــل=هاجس(ن) ياتي وهاجس بي ســرا
لو هذا الهم يلقاله بديــل=ما يشاور في ثواني ماحتــرا
صار لي هالهم هم(ن) مستحيــل=لايباع ولا هو اللي يشتــرا
آه يا وقت(ن) مثل قبس الفتيــل=آه يا وقت(ن) قسابي وافـتــرا
راح عمري راح مع هم(ن) وويــل=والزمن يجري وجرحي مابــرا
يالله انك تفرج الهم الثقيــل=محد غيرك اشتكي له او درا
انته العالم بحالي يا جليــل=وانته اللي يا إلاهي لي ذرا

اخـــوكـــم / عـبـــدالـلـه مــحــمـــد الـجــــابــــري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الاخ / الحب الباقي

صح بدنك مليار ويعافيك ربي انشاالله

ووجهك ابيض وشاكر مرورك الكريم ..

احبس الدمعه بعينـي لاتسيـل=واكتم اللي داخلـي محـد(ن) درا
صح لسانك يالجابري
لاهنت

	المشاركة الأصلية كتبت بواسطة عيسى العوفي

	احبس الدمعه فعينـي لاتسيـل=واكتم اللي داخلـي محـد(ن) درا صح لسانك يالجابري لاهنت

صح بدنك يالعوفي

الله لايهينك على مرورك الكريم..

صح لسانك على هالقصيده الجميله فعلا
بانتظارجديدك الممتع
تحيتي

	المشاركة الأصلية كتبت بواسطة نداء الغيداني

	صح لسانك على هالقصيده الجميله فعلا بانتظارجديدك الممتع تحيتي

الاخ / نداء الغيداني

صح بدنك والجمال في مرورك الكريم

شكرآ لك ..

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

	المشاركة الأصلية كتبت بواسطة ابوفياض النويمي

	, , , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابو فياض النويمي

الاخ /ابوفياض النويمي


صح بدنك وجعلك سالم وغانم من كل شر

ووجهك ابيض وشاكر مرورك اخوي ..

صح لسانك اخوي قصيده تستحق القراه اكثر من مره تقبل مروري