ياسلام الله السلام اللي نقوله كل مده

ياسلام الله السلام اللي نقوله كل مده= من هواجيس المعاني اللي تطارد في بحرها
والدروب طوال والمسرا يبي جَمال قده = لا يسوق جمالنا في ديرةٍ ماهو خابرها

ياهلا يامرحبا وانكان عندك علم عده =العيون تشوف مير العين لايخطي نظرها
الجمل شعيل عانه بالمواقف فيه شده = مير لايبرك جملكم بالديار اللي نحرها

صح لسانك ياشاعرنا الجزل ورقان ولاهنت طاروق جزل وكايف يابو عبدالعزيز
وصح لسانك ياشاعرنا الجزل محمد بن عويض البدراني ورد رائع وجزل وسوف نستمتع ان شاء الله بمحاوره رائعه ومتميزه من الطرفين دون شك وهذا ماتعودناه من شعراء ملتقانا الشامخ ومنكم الابداع ومنا المتابعه وبيض الله وجيهكم

شاعرنا القدير ورقان

شاعرنا القدير محمد البدراني

اصح الله لسانيكما على هذا الطاروق الجزل بجزالة شاعرينا المعروفين

البقا ثم البقا بك يوم أخذت العلم وده = لرجال اللي مع الطرقة يقديها بصرها
والحمول اثقال ليتك يالجمال المستعده= تعبرين من الدروب اللي جملنا قد عبرها

مراقبنا وشاعرنا المحبوب مضحي بن جمران
صح الله بدنك وبيض الله وجهك على تواجدك الجزل ودئماً الجزاله بوجودك

و
مراقبنا وشاعرنا الخلوق بخيتان البشري
صح الله بدنك وبيض الله وجهك على تواجدك الجزل ودئماً الجزاله بوجودك


شاكر ومقدر تواجدكما وتشجيعكما

ان نطحك شعيل يارجال ما تقدر تحده = مير خلك في طرف ديرتك وانعم في ديرها
اعرف انا لا هجمنا هجومنا ماحدٍ يصده = مير طيع الشور يارجال وابعد من خطرها

ان دحمنا شعيل يارجال دون الحلق يده = مير لا تهدر جمالك عندنا ثم انعقرها
كم واحد كز جيشه للهجوم وعاد رده = يوم شاف الموت قفا والاخيره ما نتظرها

البدراني مبدع وشهادتي فيك مجروحه ومحاوره رائعه جدا والاروع رد ورقان وورقان مابه شك وريب وامتعتونا بسراحه بالمعنى وتركيب الابيات والقافيه (وشوله اطول) كل المحاوره رائعه من جميع الطرفين وواصلو لاهنتو متابعين ...

	المشاركة الأصلية كتبت بواسطة مرسى الثقال

	البدراني مبدع وشهادتي فيك مجروحه ومحاوره رائعه جدا والاروع رد ورقان وورقان مابه شك وريب وامتعتونا بسراحه بالمعنى وتركيب الابيات والقافيه (وشوله اطول) كل المحاوره رائعه من جميع الطرفين وواصلو لاهنتو متابعين ...

صح الله بدنك اخوي مرسي الثقال
والاروع هو مرورك المشرف
والابداع الحقيقي في حضورك وحضور شرواك من الرجال
ولا تهون يالقرم