رجل الشجاعه

الاخوة الاعزاء
هذا عنوان لخبر عن ولي العهد بجريدة سبق
(أنهى فترة العلاج وهو بصحة ممتازة
خالد بن سلطان: ولي العهد سيكون بيننا خلال أيام)
على هذا الرابط
http://www.sabq.org/sabq/user/news?section=5&id=2509

هنا قصيدة بمناسبة سلامة ولي عهدنا الغالي

قلت الشعر ما ابغي من الشعر حاجه =الا بأقول الحــــق في نظم الاشعـــار
يازين طاروقه وما أحلا انتهــاجــه= في دارنا دار الفـخر دار الاخيــــار
من يوم أبو فيصل بها أشعل سراجـــه = وزال الظلام ودونها شبـت النــــــار
حكم بعدل ومخطي الــدرب عاجـــــه = وخلاه يرجع غصب من دون يختــــــــار
يوم الخيول تكــّر والهـا عجاجــــه = أنشهد إنه دونـــها قصف الاعمــــار
بعده رجال ما تهــــاب المواجـــه =رجال في ميقافهم عــــزم واصـــرار
في حكمهم زاد الفـؤاد ابتهاجـــه = ال السعود اللي لهـــم كل مقـــدار
وسلطان دون الـــــدارمحكم سياجه = ولي عهــد المملكه وابنــها البــــار
رجل الشجاعه كم خطر صعب باجــه = رجل الكرم راع الشيم واف الاشبار
ياكم مريض سهّـــل الله علاجـــــه = بفضل ابو خالد بعـد ذاق الامـرار
وياكم مهموم تكّـــدر مزاجــــه =- ضاقت به الدنيا وتايــه ومحتــار
له وفــّر المسكن ولبى أحتياجـــه =يجزاه ربي عالم ســـر وجهــــــار
منه العدو يغضب وصاده فلاجــــه = وبحر غزير وفيه لؤلؤ ومحــــــار
يبهرك باقباله وبلجـة حجاجـــه = يا الله تحفظه وانت حافظ وستـــــار
وكل الوطن يفخر بعزه وتاجه = وصلوا على محمد عدد وبل الامطـار

>
وسلامتكم وكل عام وانتم بخير

الشاعر / عبدالمطلوب البدراني

قلت الشعر مابغى من الشعر حاجه
صح لسانك يابداراني ماقصرت وفيت وكفيت

	المشاركة الأصلية كتبت بواسطة الفرسني

	قلت الشعر مابغى من الشعر حاجه صح لسانك يابداراني ماقصرت وفيت وكفيت

صح بدنك الغالي الفرسني وياهلا فيك

لك تحيتي وتقديري

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

	المشاركة الأصلية كتبت بواسطة ابوفياض النويمي

	, , , صح لسانك وعلا شانك والله يعطيك العافيه على القصيدة الجزله بيض الله وجهك مع التحيه

اخوي ابو فياض

سعدت جدا بهذا المرور العطر

لك تحيتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الاخ الحب الياقي

صح بدنك يالغالي ووجهك ابيض

سعدت جدا بمرورك العطر

لك فائق احترامي

صح لسانك وبارك الله فيك قصيده جزله من شاعر جزل

	المشاركة الأصلية كتبت بواسطة خالداللهيبي

	صح لسانك وبارك الله فيك قصيده جزله من شاعر جزل

الغالي خالد اللهيبي

صح بدنك ولك ارق واجمل التحايا

دمت بحفظ الرحمن