قصيدة الشاعر محمد بن جديع في الشيخ تركي بن نحيت

هذه القصيده للشاعر / محمد بن ماجد بن جديع
في حفل زواج الشيخ / تركي بن بجاد بن حجاب بن نحيت
ياهجوسي خض مجال الشعر واسبـح ببحـره
ومن جزيل الشعر انقـى ياهجوسـي ماتـراه
المشاعـر عانقنـك والفكـر معكـم ســره
والقلم فوق الصحايف تنـزف الكلمـه ادمـاه
توحان الشعر قطفـه وتـو مـا أثمـر بثمـره
يوم نذكر فعل شيخ(ن) عانق الطيـب بسمـاه
شيخ (ن) انجز بالمواقف كـل رجـال اشكـره
اسمه اللى مـن فعولـه بالذهـب تـوّج نبـاه
تركي بن بجـاد شيـخ اسـم عـز ومفخـره
كان فعل الطيـب رجـم هـو طالـه واعتـلاه
ماخفى مـن تركـي الفعـل كبـره واصغـره
لـه فعـولٍ بالمواقـف يبرهنـهـا صــداه
من شموخ طويق شامخ لابـد صعـب اكسـره
والصعاب تلين قدمه تقل تخضع مـن عصـاه
فزعة اللي من زمانه شـاف وعكـه وعثـره
وفزعة اللي صادر(ن) به حكم يقضي في فنـاه
فزعة اللي جار وقتـه مـن ميولـه واقهـره
يشتكي من جور وقته كيف في حملـه وطـاه
كل ماجاء شيخ قـوم(ن) صـد عنـه وحقـره
وضاقت الدنيا بفضاهـا والسمـا غّيـم فضـاه
وبعد ما ايس مـن حياتـه الله اللـي اومـره
شال عمره يم تركي يشتكـي حمـل(ن) عيـاه
ثم فزعله فزعت المعتصم مـن صرخـة مـره
قال همـك لاتشيلـه وانتهـى الهـم وطـواه
لو ابذكر كـل فعلـه طـال وقتـي ماحصـره
طول عمره لكل عليـاء ماتوانـا فـي خطـاه
شيـخ قالـه مايلقّـي للمواجـيـب اظـهـره
يحتمـي قـالات ربـعـه مايلقيـهـا قـفـاه
بالكرم والجـود كلـن قـد شهدلـه وانصـره
كن حاتم في حياتـه موصيـن لـه باالوصـاه
مثـل نـوٍ طـاح بالقـاع واسقـاه امـطـره
اخضرت منه الفياض وشربـوا العربـان مـاه
وبالوفاء مثل السمؤول طبق اصلـه واصـوره
بالوفاء وافـي ويوفـي بالوفـاء للـى وفـاه
طيب ساس ... وقو باس... ويرهب اعداه انظره
عنترين في زمانـه مثـل عنتـر فـي صبـاه
قـل مثلـه بالزمـان بقـو راسـه واسطـره
ثابـتٍ مثـل الجبـل يمـن الخايـف حـجـاه
قل مثلـه فـي زمـانٍ بـان عجـه وغبـره
يـوم كلـن دون حقـه مايناظـر مــن وراه
مامدحته غير يستاهل المدح وابصـم بعشـره
غارقـن بالطيـب كلـه مـن عقالـه لاحـذاه
واجـد اللـى بالمناصـب راح محـد اذكــره
وواجد اللي فيه باقـي مايبشّـر مـن نصـاه
كم امير(ن) زين بشته مـن عيوبـه ماستـره
لوتستـر فـي عباتـه قـل فعلـه ماعـطـاه
الامـاره تبـي شيـخٍ لابـدا كسـر اجـبـره
والامـاره تبـي شيـخٍ لابـدا فـعـلٍ نـهـاه
ماتبي رجـال مكتـب كـاف خيـره وقشـره
لايناظـر مـن امامـه ولايناظـر مـن قفـاه

صح لسااااااان الشاعر ويستاهل الممدوح وسلمت يمينك الجزله

صح لسانك ولسانك الشاعر بن جديع

ويستاهل بن نحيت المدح والثناء

كلاشنكوف حرب
حمود الغيداني
كل الشكر لكم على مروركم الطيب
وصح لسان بن جديع ويستاهل بن نحيت
تقبلوا تحياتي

صح لسانك ولسانك الشاعر بن جديع

ويستاهل بن نحيت المدح والثناء

وسلمت يمينك على النقل

بخيتان البشري شكرا على مرورك المشرف

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

	المشاركة الأصلية كتبت بواسطة الحب الباقي

	الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

صح بدنك اخي الحب الباقي
وشكرا على مرورك المشرف
تقبل تحياتي

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة سالم الفريدي

	صح لسانك .. .. أسجل اعجابي بالقصيدة .. ويعطيك العافيه ..

سالم الفريدي
كل الفخر لي بمرروك المشرف
تقبل تحيات اخوك بن حنتوش المزيني