ياوم ان كلن في قصيده ترنّم

يوم ان كلن في قصيده ترنّم
هذه القصيدة ذكرت فيها ما ستطعت من بعض مفاخر قبيلة حرب
والمعذرة والسموحة من القصور حيث مفاخر قبيلة حرب تحتاج إلى مجلدات :

يوم ان كلن في قصيده ترنّم = والشعر سلّم للقناوات همه
بنيت مطروقٍ يسم العدى سم = سمٍ ذبح سم الافاعي بسمّه
لعيون حرب اللي عليها الثناء تم = حرب الحرايب منجزين المهمّة
قبيلةٍ لها من العصر الاقدم = مجدٍ تعلا الصدر لفروع قمة
أهل المهار اللي تخم الوطى خم = دهمٍ تراقل روسهن بالازمّه
يما عليهن فرّقوا جمعٍ ادهم = عقب الصطر صاروا فرايس مخمّة
شتاتهم ياخذ نهارين ملتم = لو تجتمع كل العرب ماتلمّه
من دون وضحٍ دعج واشعافها حم = سيلٍ تحدّر مع صحاصيح حمّة
ترعى بنا الحد البعيد الموسّم = تقطف زهر عشب الفياض المطمّة
حتى نبات الأرض فيها تصرٍم = تذرا به الأرياح في كل يمّة
ثم انثنينا لماردٍ صافي الجم = محدٍ ورد قدامنا عذب جمّه
البل ترازم والاصايل تراهم = والجو لاهوب السمايم يسمّه
لنا مع التاريخ عهدٍ مختّم = مجدٍ دواوين البطولة تظمة
خوينا من خنجر الموت يسلم = نموت ويرجع طيّب الفال لمّه
ودخيلنا عن من يريده محرّم = صعبٍ وصوله والمراوين يمّه
وان قيل ياهل الجود من يتكرّم = خلف يصوّت للمكارم بكمّه
والجار له حقٍّ علينا مقدّم = عهدٍ علينا جارنا مانذمّه
وبوي يوم الدم يطلب به الدم = سامح بدمه فدوةٍ لبن عمه
ومنا الامير محنّي السيف الارخم = من فوق غراء مابنحرها ترمّه
ومنا الشجاع معشّي الذيب الاسحم = عشرٍ مردّف باللقاء ما تهمّه
حنا هل الجمع العظيم العرمرم = موج المحيط اللي كما الليل يمه
لنا دليلٍ بالتواريخ يعلم = مشمرخٍ فوق المزن روس شمّه
شيباننا بالحق والعدل تحكم = وشبابنا ياخذ من العلم صمّه
وحنا فدى دون المليك المعظّم = نفدى وطنا وديننا بكل همّة
تم الجواب اللي على السبع يقسم = اسقيت جل الوقت دمّي ودمّه
سالم سليم امسلّم السلم الاسلم = سلمٍ على عهد المواثيق تمّه

نافع الحربي

صح لسانك على القصيده الجزله
الله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك على القصيده الجزله الله يـعـطـيـك الـعـافيـــــــــــة بيض الله وجهك

الحب الباقي شكرا لك وصح بدنك ووجهك ابيض
يسعدني ويشرفني حضورك لاهنت :

عا فاك الله على ها القصيده الجزله

	المشاركة الأصلية كتبت بواسطة الجنوبي

	عا فاك الله على ها القصيده الجزله

شكرا لك والله يعافيك نقدر لك حضورك لاهنت

لنـا دليـلٍ بالتـواريـخ يعـلـم
مشمرخٍ فوق المزن روس شمّـه

صح السانك

	المشاركة الأصلية كتبت بواسطة غازي الزغيبي

	لنـا دليـلٍ بالتـواريـخ يعـلـم مشمرخٍ فوق المزن روس شمّـه صح السانك

غازي الزغيبي شكرا لك وصح بدنك
يسعدني ويشرفني حضورك لاهنت :

صح السااااااانك يا نافع وبيض الله وجهك

	المشاركة الأصلية كتبت بواسطة خالد الحصني

	صح السااااااانك يا نافع وبيض الله وجهك

خالد الحصني شكرا لك وصح بدنك ووجهك ابيض
يسعدني ويشرفني حضورك لاهنت :

شاعرنا الكبير نافع الحربي ماهي غريبه عليك الجزاله انت من الشعراء الجزلين
وذكرك لفعال القبيله يدل على حبك لها الله يبيض وجهك من شمالها الي جنوبها ومن شرقها الي غربها