تحت الميكرفون!!!!!!!

حيرني الفرت الحـــمر يـــــاالعريمه= في ورشـة الثقبه رجــــع عشر مرات
يالي تســـــــــــومه نقد بيـــــات قيمه= نبي نبيعه مانبي زود ســـــــــومات
فكتوريــــا كراون على الباب نيمــه= مديله التسعين بين المـــــــــــديلات
سنة غزاء صــــــــدام ظلم وجريمه= شعب الكويت ولاحسب له إحســـابات
لوه درى كيف العـــــــواقب وخيمه= ماحرك جـــــــــــنود وكتايب وقوات
عقب العزيمه ذاق مــــــــر الهزيمه = صبوا عليه من السماء سيل غارات
من واقـــــــــع التاريخ ذكرى أليمه= ذكرني الي مـــــــــايجيب المسرات
بديه بدي ومحركـــــــــــــاته سليمه= مير البلاء في داخله والخــــــربات
أســــــــلاك توصيل البواجي قديمه= المشكله حتى البواجي قــــــــديمات
كن صوت ماطوره عجوزً سقيمه= تشكي لجيج ضروسها باالعيـــادات
اليا مشـــــــاء باالسوق ياخذ قسيمه= سيره وفحصه منتهي من ســـنوات
واليا تجمل مــــــــــــــاتعدا رحيمه = يقصر عن خطوط الحفر والقريــات
لاصحت جاوبني ..حريمه.. حريمه= هذا محلي مــــــــــــــاتعداه خطوات
خل إنفعـــــــالك والزعل والشتيمه= وقف لي الونش الحمر ومش بســكات
عنده مع الورشه عـــــلاقه حميمه= أسمه مثبت في سجل الزيــــــــارات
يوم أتذكر خدمهً لــــــــــــــــه يتيمه= مره تعطل وشكره عند ورشـــــــــات
سجل خســــائر من حسابي جســــيمه= قير ومكينه مع كــــــــتاوت ويايات
عــــــــــــزالله ان فراق مثله غنيمه= نذبح على فرقاه حـــــــــيلً سمــينات
يستاهل القيض الشــــــــديد وجحيمه= ماهو كفوا يـــاقف بظل الكرجـات
يكرم عن أشكالــــــــه قوي العزيمه= يوكن دبل دينـــــالي من الــولايـــات
أبمدح اليوكن ولاهي ظــــليمه= لاقلت مثله مـــــــاورد باالوكـــالات
مركب زحازيح الرجـــال الكريمه= الي لهم في قاسي الوقت وقفــــــــات
اليا مشاء ممشاء شــــجاعً صتيمه= مقدام ربعه بالرخــــــــاء والعـــسيرات
نهار غارات الغـــــــريم وغريمه= يسقي معادينه حســــــايف وحــسرات
واليا وقف مثل المــلوك العظيمه= ميقافها قدم المــــــــــلا باالمــنصــات
ياحلو مسراحـــه عن اهل النميمه= سود الوجيه مقطعين العــــــلاقــــات
اسج به يم الشمــــــــــال ونسيمه= أرض الخزامـــا والنفل والونســــــات
ساق الحيا محيي العظـام الرميمه= طلع الزبيدي تلمـــــحه من مسافـــــات
العشب يسهر بين طـــــــله وديمه= والصبح يلعب مع طـيور الفرشـــــــات
الشمس حاجبها عن الشوف غيمه= نقع المـــطر بين الفياض المريفــــــات
ماني مقضي رحلتي وسط خيمه= والوقت فرصه والدقـــــــايق ثمــــينات
مابي كبتشينو بطـــــعم الكريمه= بن اليماني باالدلال العذيــــــــــــــــــــات
هذاعطــــــــــا ربي وهذا نعيمه= والله وعــــد من يشكره باالزيـــــــادات
الله يديم إســـــــــلامنا الله يديمه= ويدمر عقولً تحـــــــــــــيك الــــعدوات
هذي علومي كلها يـــــاالعريمه= وأسلم وسلم يـــاحفيد الــــــــــعريمـــات

صح لسانك ومشكور

	المشاركة الأصلية كتبت بواسطة الفرسني

	صح لسانك ومشكور

صح بدنك ياالفرسني لاهنت

الشاعر المبدع / سعــــــــــــــــود
صح لساااانك
قصيده حملت تصوير دقيق
للاحدااث
وابدااااع في القصيده
بيض الله وجهك
على هذا الابداااع
يابن العم الغالي
ننتظر جديد ابدااعاااتك

	المشاركة الأصلية كتبت بواسطة ناهس الشعيفاني

	الشاعر المبدع / سعــــــــــــــــود صح لساااانك قصيده حملت تصوير دقيق للاحدااث وابدااااع في القصيده بيض الله وجهك على هذا الابداااع يابن العم الغالي ننتظر جديد ابدااعاااتك

ناهس الشعيفاني;
الأبداع هو اسلوبك الراقي وتعليقك المميز
سلمت وسلم ذوقك.. كل الشكر على مرورك

قصيده عجيبه جدا

ولا لقاء اي عباره اقولها معدا صح السانك هههههههههه
خل إنفعالـك والزعـل والشتيمـه وقف لي الونش الحمرومش بسكات

	المشاركة الأصلية كتبت بواسطة العملاق

	قصيده عجيبه جدا ولا لقاء اي عباره اقولها معدا صح السانك هههههههههه خل إنفعالـك والزعـل والشتيمـه وقف لي الونش الحمرومش بسكات

العملاق ...شرفني مرورك وتعليقك على النص ياالغالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي..صح بدنك الف شكر على المرور والتعليق

صح الله السانك


قصيدة عانقة السماء بجزالتها وأبداعها

تحياتي لك