قصيدة مهداها الى شيخ الكرم / عبدالله بن ثواب .. رئيس مركز النمرية

هذه القصيدة مهداه الى
شيخ الكرم / عبدالله بن ثواب ..
رئيس مركز النمرية ..

راكب اللى يشرح البـال آشتغالـه=من مواترنـا الجديـدات السباقـي
جيب حيث الجيب رمزٍ للأصالـه=للرجـال أهـل النقـاء و الاتفاقـي
مشترية مـن الوكالـة و الوكالـه=ما بها إلا كاش ما يعطـون باقـي
لي لزومٍ فيه و اللازم أرسالـه=للأمير اللى بفعـل الطيـب شاقـي
يوم صلى العصـر سواقـه نخالـه=ومن شمال طويق للمشـوار واقـي
و المساء في بيت من قام و عنالـه=مدهـلـن للأهلـيـة والطـراقــي
دام شعر المـدح مفتوحـا ً مجالـه=أمدح اللى بالكـرم والطيـب راقـي
حي دار عاش فيـه و حـي فالـه=وحي جمعٍ ما حصل فيه أنشقاقي
بيت شيخ يشـرح الخاطـر قبالـه=الكـلام يـدور و الدلـه تسـاقـي
أبونايـف تـارد الجمـه حبـالـه=النباء مقبـول و الجانـب أرقاقـي
و إن رجعنا للكـرم فعلـه لحالـه=بالصحـون يبـرك عيـال النياقـي
الصحن لو يشتكي منـه آشتكالـه=وتشتكي منه القـدور أم الحلاقـي
و كان حاتم مات أبونايـف بدالـه=و آنشد اللى مـا يحبـون النفاقـي
و الوفاء و الطيب و الشيمه عقالـه=عن لزومـه مـا تتقـا بالمتاقـي
ما كتبت بـه القصيـد إلا و فالـه=و من فعل فعله يلاقـي مـا يلاقـي
قالها اللى ما يبـي غيـر الجمالـه=مـا يـدور لا حبـال و لا مراقـي

بيض الله وجهك ياعلي الحصني على هذه الدرر وهذا الأبداع
المتدفق قصيدة جزلة من شاعر جزل ولا يمدح الا من يستاهل المدح

بيض الله وجهك ياعلي الحصني على هذه الدرر وهذا الأبداع
المتدفق قصيدة جزلة من شاعر جزل ولا يمدح الا من يستاهل المدح

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

,
,
,
صح لسانك وعلا شانك يابوفارس
والله يعطيك العافيه على القصيده الجزله
بيض الله وجهك
مع التحيه

الاخ علي الحصني
الله بيض وجهك ويستاهل الشيخ عبدالله القصيده الجميله من شاعر بحر

صح لسانك يالغالي ..وبيض الله وجهك

بيض الله وجه المادح والممدوح والشيخ ابن ثواب يستاهل المدح فهو من أهل المكارم والأخلاق الفاضله كحيثُ إنني أعرفه شخصياً وسبق أن زارنا في مركزنا وادي ستاره بمنطقة مكة المكرمة بتاريخ 27/8/1421ه وكان يرافقه المرحوم بإذن الله الشيخ والشاعر المرحوم /معيض العجي الجابري الحربي وقد قمنا برد الزياره له بتاريخ 6/1/1422ه في مركزه النمريه التابع لمنطقة حائل وكنا على رأس وفد من قبيلتنا يبلغ عدده أكثر من مئة رجل ولقد حضينا بحفاوة إستقباله ولين جانبه وسمو أخلاقه وكرمه الحاتمي المتدفق وقدأقام مأدبة حفل الغداء وتقديم أكثر من خمسين رأس من الغنم ,,,,, وأنا أوضح لكم ذلك من باب الشهادة الحقة لهذا النادر فعلاً أطال الله عمره وأكثر من أمثاله ورحم معيض العجي رحمة واسعة فهذين الرجلين من وجوه الخير والصلاح والإصلاح في مملكتنا الحبيبة .

بيض الله وجهك ياعلي الحصني على هذه الدرر وهذا الأبداع

بيض الله وجهك والله انك مدحة من يستاهل المدح
ونعم الرجل
وصح لسانك الشيخ عبد الله بن ثواب خير من يمثل حرب با الكرم
ويستاهل