مرثية وفاء للشيخ عزيز عواد الرويتعي

مرثيه لشاعر حميد حميد الرويتعي شاعر القبيلة في المرحوم باذن الله عزيز عواد الرويتعي وفاء من الشاعر للفقيد رحمه الله تعالى

دنيا لها روغه وسرع استداره = ياسرع روغتها عن الي تمنيه
هذي عوايدها تحب الاثارة = وتحوس بني ادم وتخلف هقاويه
مرحوم ياعزيز وريث النعاره = الله ينور قبره بنور واليه
في جنت الفردوس يقطف اثماره = يغفرله اللي كلنا في رجاويه
هو الذي يلطف وحنا جواره = وهو الذي يسمع دعاء من يناجيه
محصي ذنوب الخلق سر و جهاره= كلن بيلقا ماعمل قدم محصيه
وما قدمت يمناه خافي يساره = سيئه و حسنه ربنا مطلع فيه
يالله ياجابر كسير الجباره = يلي كسرت العظم قادر بتنشيه
تغفر لمن رحمتك هي انتظاره= فالساعة اللي كل ميت بتحييه
راح الرفيق اللي علينا خساره =ابو سعود اللي نعزه و نغليه
اللي فقيده عند ربعه وداره = راع الوفاء و الطيب محداً بناسيه
ماينسي هذا سليل النماره= والنمر ياتي من عرينه محاليه
بعض العرب لامات يبقى وقاره= يحييه في قلوب العرب طيب ماضيه
مسرج مع اهل الطيب دايم مهاره= وله ماقفاً مع عزوته مايخليه
لاجاء لزومه جاهز لكل غاره= قدام ربعه كل مرقب يعديه
وبعض العرب لامات ينسى نهاره = ماله فعل عند الرفاقه ينشميه
دايم مولع بالرداء زند ناره= وراع الرداء لولع النار تكويه
مثل الذي يدخل يده في خباره = لاتامنه من عضت الداب تنهيه
ياليت تردم فوق راسه حجاره = لاشفت له دربن معروج بيعطيه
الحر يفهم لاعطيت الاشاره = والنذل دايم يبتليك ابلاويه
الحنضله مره وتهوى المراره = خسارتاً تنبت بموقع وتوذيه
ودك تطلع عرقها مع خضاره = ماعاد يبقى داخل الارض تنفيه

صح لسانك ياحميد الرويتعي والله يجبر مصابكم بهذا الفقيد
و الله يرحمه بواسع رحمته ويسكنه فسيح جنته لاهنت على هذه المرثيه الجزله
ويستاهل الشيخ عزيز عواد الرويتعي هذا الذكر وكل طيب مثله وشرواه يستحق الذكر

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ياحميد الله يرحم الفقيد وينفع بالحي

	صح الله لسانك ولاهنت وسلم فكرك وبنانك دمت برعاية الله وحفظة