تعال ياورقان وان جار الزمن خلك صبور

تعال ياورقان وان جار الزمن خلك صبور=تعال ساعه نطلب الله يرحم الفجر الخجول
يالله لعل القبر يصبح روضة بين القبور=ثم يتجاوز عن خطاياها وهذا اللي نقول

صح لسانك والله يرحمها
وبنتضار الشاعر ورقان

تسلم ي ال طير سعد ويجيب الله ورقان طيب

صح لسانك اخوي ابو مشاري كنك مطول الغيبه
الله يرحم اختنا الفجر الخجول ويغفر لها وجمع موتنا وموتى المسلمين

طبع الجبل ياصاحبي ثابت ومضمونه صخور= ماحركه كثر الهبايب تصتفق عرضٍ وطول
وليا دعيت ادعي معك وآمين من كل الحضور = يمكن تصادف ساعةٍ تلقا لها من الله قبول

يمكن تصادف ساعةٍ تلقالها مـن الله قبـول

شاعرنا الجزل ابو مشاري صح لسانك على هذا الطاروق الجزل
وجزاك الله خير والله يرحم الفجر الخجول بواسع رحمته ويسكنها فسيح جنته امين
وصح لسان زميلك شاعرنا الجزل ورقان وان شاء الله نستمتع بمحاوره كايفه كما تعودنا
منكم والصفوف جاهزه وعلى اهبت الاستعداد وكل العلوم الغانمه

فوق الجبل نجم ليا حول علا القمه يثور = والثانيه زلزال لو راد العلي لازم يزول
اهدي وخلك في يدي حليل يا فرخ الصقور=وما طار طير واعتلي الا يفكر في النزول

اتبع وساع فجوجها ولايحدها ياصاح صور=ترا على بعض الدروب الضيقة مالي ميول
ان كنت نجمٍ معتلي أو كنت صياد الطيور=انا جبل ورقان شامخ بالجزيرة من الفحول

الف شكر لك يا شاعرنا الجزل مضحي بن جمران لتوجيهك ومررورك العطر وحيا الله صاحبي ورقان والاجازه قربت ومواعيد المحاوره قرب ارسلي جوالك ولنا لقاء حي ان شاء الله
لاهنت يابو مشاري انت تبي تلفوني والا تلفون ورقان وانا تلفوني عندك وكانه ضاع فهذا دليل اني ماني غالي عندك واذا تبي تلفون ابو عبدالعزيز خبرني وارسله لك

	المشاركة الأصلية كتبت بواسطة مضحي بن جمران

	الف شكر لك يا شاعرنا الجزل مضحي بن جمران لتوجيهك ومررورك العطر وحيا الله صاحبي ورقان والاجازه قربت ومواعيد المحاوره قرب ارسلي جوالك ولنا لقاء حي ان شاء الله لاهنت يابو مشاري انت تبي تلفوني والا تلفون ورقان وانا تلفوني عندك وكانه ضاع فهذا دليل اني ماني غالي عندك واذا تبي تلفون ابو عبدالعزيز خبرني وارسله لك

الف الف شكر يا مراقبنا وحبيبنا يابو احمد جوالك عندي وانشاء الله امسي عليك بعد اشحن كهرب وكنت ابا جوال ابو عبد العزيز لانه قريب منا ونا ويه في الاجازه وهو ارسله لي الف شكر لكم جميعا لانخلا ولا نعدم منكم