,,{ ثامن عجيبه في العجايب },,

19-05-09, 09:12 PM

السلام عليكم ورحمة الله وبركاته

.
.
.

أقدم لكم آخر كتاباتي
وهي قصيدة متواضعه متمنياً ان تصل إلى ذائقتكم..~

لكم خالص ودّي

،،=
يابشر اخذو وصية نظرتي قبل المغيب=وسلموها بيدها وأدري بتفهم أمرها
بلغوها ان حالي صار بالمره صعيب=وبلغوها دمع عيني ماوقف من عقبها
من غبتي ياهنوفي صرت بالدمعه اجيب=وصارت ايامي ظلام ومظلمة في عيشها
وصار هذا من رمش جفني فلحظة يالبيب=شفت اني أفقدك دايم و أسآير ظيمها
من زهور العمر أحبك ولين راسي مايشيب=عاهدت نفسي بالمحبه وان تعكّر صفوها
قلت لك مرّه أحبك وما هقيت ظنّي يخيب=وما هقيت يسيل دمعي والسبايب حبها
وردة بطيب إحتوتني وللردى ماتستجيب=بعثرتني .. وشتِّتني .. واجمعتني بكفها
والله اني ما أبالغ لو ذكرت انها العجيب=وإنها ثامن عجيبه في العجايب كلها
إسطورة سآدت اساطير المحبه..لامريب=وأرتمى حرفي أسير تحت رحمة رمشها
ماهقيت في مرة ارسم محبه من قريب=لين ما صارت حياتي كلها في ملكها
أرتوي من نهر صافي ماأرتوى منه غريب=صافي حتى بلونه من حلا مضمونها
مزنة حطة مطر ومائها بأرضي سكيب=ينبت ازهار المحبه وفي خفوقي زرعها
ماقدر يوصف حلاها شاعر وحتى أديب=ولاقدر مخلوق يعرف كل سر بعينها
أستغفر الله لواقول مترفعه عن كل عيب=وحده الخالق خلقها وهو عالم غيبها
إبدوّيه شامخه وأصلها أصل(ن) عريب=ومن البداوه ماخذه ضعفين عزه لنفسها
صلاة ربي عدد ما هب نسناس الهبيب=على نبي الخلق أحمد وأختم ابياتي بها=،،

.
.
.

{مشهور نافع القليطي الحربي}