يالغاليه لاينوش اهل الوفاء شرك((مناجاة بنت الافكار))

يالغاليه لاينوش اهل الوفاء شرك=وإلا على الطيبه تراك مسموحه
لو ابغضك مبغضك فالهرج ماضرك=مدام بعيون من ثمنك مملوحه
مانتي وسيلة عبور وجسر متحرك=إلا لمجروح فانتي بلسم جروحه
واللي على الدرب الايسر ينتوي فرك=حذراء وحذراك خوة قاصر شبوحه
حذراء من اللي ليا دهواك ماسرك=ولانتي على كيف من يتبع هواء روحه
اللي على غفلة الاجواد يجترك=خسران وانتي ليا طعتيه مفضوحه
وحذراء المذير من الاجوال لامرك=انكان طرتي مع الاجوال مذبوحه
والا نزيه الضمير القرم ماغرك=اتجملينه وهو جملك بطروحه
واللي من الوجد في زين اللحن جرك=اللي يجاوب حمام الورق في نوحه
لاباس راع النقاء بريه ويبرك=ماتزعلينه ولا يزعلك بمزوحه
حلمك قبلته مقابل رفضي لشرك=من شان تبقين مرغوبه وممدوحه
ماغصت قبة بحرك إلا لجل درك=سيدك يالغاليه ادراء بمصلوحه

لابـاس راع النقـاء بريـه ويـبـرك
ماتزعلينـه ولا يزعـلـك بمـزوحـه


ياسلامي عليك



يابا احمد



شاعر قلطه رقم واحد ونظم درجه اولى


صح السانك واعتلا شانك

	المشاركة الأصلية كتبت بواسطة حمدفهيدالحربي

	لابـاس راع النقـاء بريـه ويـبـرك ماتزعلينـه ولا يزعـلـك بمـزوحـه ياسلامي عليك يابا احمد شاعر قلطه رقم واحد ونظم درجه اولى صح السانك واعتلا شانك

لاهنت ياشاعرنا الجزل حمد فهيد وشهادتك وسام فخر اعتز به
ولاعليك زود بيض الله وجهك ياشاعرنا المبدع والمتميز
صح بدنك سلمت ودمت والله يحفظك ويرعاك

صح السانك يابواحمد



بيض الله وجهك



ونتمنالك التوفيق

	المشاركة الأصلية كتبت بواسطة خالدفهدالحربي

	صح السانك يابواحمد بيض الله وجهك ونتمنالك التوفيق

وجهك ابيض يابو فهد
لاهنت والله يوفق الجميع

صح السانك




قصيده رايعه




ولاهنت

	المشاركة الأصلية كتبت بواسطة غازي الزغيبي

	صح السانك قصيده رائعه ولاهنت

صح بدنك يامراقبنا القدير غازي بن مغيران الزغيبي
ولاعليك زود يالعملاق وانت اروع واجزل يابو طلال

صح لساااااااانك يابن جمراااااااااااان

مبدع ورائع كعااااااااادتك .

	المشاركة الأصلية كتبت بواسطة الحميدي المخلفي

	صح لساااااااانك يابن جمراااااااااااان مبدع ورائع كعااااااااادتك .

صح بدنك يامراقبنا القدير الحميدي المخلفي لاهنت
ولاعليك زود يالجزل سلمت ودمت يابن العم الوافي

الشاعر مضحي جمران


قصيده وافيه وجميله لا هنت الحقيقه انك ابدعت في صياغتها بيض الله وجهك