لهيب النار في صدري حرق قلبي وزاد النار =وليف كل مايطري عليه أبكي من ذكره

أسعد الله صباحكم ومسائكم بكل خير

بدون أي مقدمات أضع بين يديكم هذا البوح

ارجو القبول والرضى


ولكم تحيتي

لهيب النار في صدري حرق قلبي وزاد النار =وليف كل مايطري عليه أبكي من ذكره
ألا ياليت دمع العين يطفي لوعت المحتار =تزيد النار من دمع (ن)على خدين محتره
سقاني قايد الغزلان كاس (ن) كلبوه أمرار =على ظنه سقا سكر جويهل تنقصه خبره
صغير السن دوب الغصن مايل من روى الأثمار =طري الكف ظامر خصر قلبي طايع لأمره
خشيف الريم في عينه ورود الفل والأزهار = رشيق القد له مبسم توقد موقد الجمره
وريح المسك منه يفوح وريح الطيب وسط الدار =أجيه فصرمدي الليل يجيني مقبل بقمره
سليم النطق عذب الحرف وحرفه يطلع معيار=ليا منه مشى بالأرض أشوف الأرض مزدهره
سكن قلبي وسكني بداخل قلبه بمقدار= نظرني في يديه ألماس وهو عندي كما الدره
أنا لجل أرتقيبه فوق أسافر وأتبع الأمطار=أصبح دار وأترك دار أنا اللي فادي بعمره
غريب الدار في دار نبوت رياضها الصبار =ولا نسنس نسيم الصبح أقاسي من لظى حره
كبود ( البل )لو تصبر(عُشُر) صبري تراها افطار =وفلك البحر لو يحمل (عُشُر) ما احمل هوى فبحره
أجر الآه تلو الآه صبرت وضاقت الأقدار =وأنا راضي بحكم الله وربي صاحب القدره
يبدل ظلمت الأحزان إلى سعد وفرح وأنوار =طلبتك يا إلاهي العفو والرحمات والدبره
وأنا اصلي وأنا اسلم على أحمد سيدي المختار =عدد ما تنبت الأشجار وما فالتين من بذره
وعدد ما الريش فوق البيض سار ودون الأشعار =وعلى آله وصبحه ومسلم (ن) ساير على بره

!!. صح لسانك
رائعة بروعة كاتبها
بيض الله وجهك يالزويهري
لك مني خالـــ الود و التقدير ـــــص


العبيدي .!!

	المشاركة الأصلية كتبت بواسطة العبيدي

	!!. صح لسانك رائعة بروعة كاتبها بيض الله وجهك يالزويهري لك مني خالـــ الود و التقدير ـــــص العبيدي .!!

صح بدنك يالغالي

أسعدني تواجدك الجميل


لك خالص التقدير

صح لسانك أخي الشاعر/ فواز الزويهري

تسلم ويسلم بنانك ويعلو شأنك

قصيدة قيمة من شاعر قيم

دمت بخير وعافية . ،،،،،،،،

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك على هذا الحضور الجميل

لك خالص التقدير

صح لســــــــــــــــانك


أخوي وبيض الله وجهك قصيــــــــــــــــده روعه



انتضر جديدك



تحيااااااااااااااااااااااااتي

	المشاركة الأصلية كتبت بواسطة بركان

	صح لســــــــــــــــانك أخوي وبيض الله وجهك قصيــــــــــــــــده روعه انتضر جديدك تحيااااااااااااااااااااااااتي

صح بدنك يالغالي

أشكر على مرورك الكريم

لك خالص التقدير

صح لسانك وسلم بنانك



قصيدة رائعه بروعة حضورك



لك تقديري

تسلم يابو محسن ويسلم بوحك
،
صح لسانك والله يحفظك