الشاعر رفيع المقام ان كنت متواجد الليلة

10-03-09, 09:42 PM

مرحبا بالشاعر اللي لابسن ثوبن جديد= وجرته بالارض مايقدر يغير جرته
شاعر و متمكن و يلعب علىطروق القصيد = بس عيبه من ظروفه واليالي غرته

10-03-09, 10:40 PM

صح لسان ياورقان

10-03-09, 11:16 PM

صح بدنك ياذيب العقار

10-03-09, 11:45 PM


	المشاركة الأصلية كتبت بواسطة ورقان


	مرحبا بالشاعر اللي لابسن ثوبن جديد= وجرته بالارض مايقدر يغير جرته شاعر و متمكن و يلعب علىطروق القصيد = بس عيبه من ظروفه واليالي غرته

مرحبا بك ياشاعرنا ورقان وصح لسانك
وانت كبرتني بكلمة شاعر انا متذوق

استلم

البقاء بك وانت شاعر تعرف الشعر المفيد = البلا باللي وطاء الجره وراح بحسرته
ما نقول انا كما الحكام والباقي عبيد = الوكاد انا ذراء ذاك الضعيف واسرته

11-03-09, 12:24 AM

جرة الحافي تبيّن طرقته ماهي بعيد =ان وطاها اشعيل والا ماوطا ماضرته
مانت ابن غانم ذياب ولانت يالشاعر بوزيد = مالك ومال الضعيّف فزعتك ماسرته

11-03-09, 12:27 AM

مرحبا بك اخوي رفيع على اجابة الدعوه ترى الدعوى مزوح وسعة صدر

11-03-09, 12:28 AM

ان كنت ياورقان ماجود عجل = النوم بالأهداب والجفن يحداه
سافرت والخوه خوي المسجل = عشرين ساعه والبلد ما وصلناه
وان كنت غايب علمنا ذا يوجل= وبكره على الموعد على الوعد نلقاه

ـــــــــــــــــــــــــــــ
كانك بعيد بكره لنا لقاء ان جاي من سفر ومتعب شوي

11-03-09, 12:33 AM

اخوي رفيع البيت وصلك

وانت لك الخيار ان كنت متعب معذور ونكمل بعدين

11-03-09, 12:46 AM

ليش يا ورقان تنظر يمها وانته رشيد = الجبل باقي وراسي والهواء مافرته
من لمح شخصيتك بيقول هارون الرشيد=وانت مثل اللي ليا جات المعارك سرته

ولا شكر على واجب ولا عليك صدر اخوك كبر نجد خذ راحتك والوضع عادي

11-03-09, 12:48 AM

واصل يا ورقان لاهنت