يا صاحبي

يا صاحبي لا تعيش بليلك الحَالِك= خلِّك وسيع البنايد لا تجي حَشْري
و ان كان تبغى تعيش بجوِّك لحالك= في ماقف(ن) ما سوى رِبع(ن) و لا عِشري
شكِّكْ بنفسكْ و من حولِكْ و في عْيالِكْ= و تعيشْ في عزلة(ن) محْد(ن) بها خَشْري
لا تحسبك تملك الباقين بريالك= يملكهم اللِّي منزِّلْ سورة الحشري
مهوب موج الأثير لشيل موّالك= كلّ(ن) له الحق بالإرسال و النَّشْري
و ان كان تبغى تعيش و تسعد اطفالك= أطلق حجاجك و كن متواضع(ن) عَشْري
و تعيش عيشهْ هنيَّه طيب(ن) فالك= وفي كل سوق(ن) تبيع براحهْ و تشري
و احذرْ بوقت الحَزِمْ تصير مِتْهالك= ما ياخذ الحق مستسلم و منْهَشْري
و خلك صدوق(ن) كما الميزان با عمالك= الصِّدق و الطِّيب يُحْمَدْ ثم ينْتَشْري

صح الله لسانك=
ولاهنت =
وسلم فكرك وبنانك=
دمت برعاية الله وحفظة =

	المشاركة الأصلية كتبت بواسطة بن فرهود الحربي

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك يبن فرهود
و سلمت من كل شر
حفظك الله

بيض الله وجهك على هالنص الفاخر والراقي والجزل


نص من أوله لاخره جزل ومعانيه ساميه كشاعرها


لك فائق تقديري واحترامي

	المشاركة الأصلية كتبت بواسطة ابوفهد

	بيض الله وجهك على هالنص الفاخر والراقي والجزل نص من أوله لاخره جزل ومعانيه ساميه كشاعرها لك فائق تقديري واحترامي

مرحبا بك يبو فهد
الجزاله تتم بحضورك
لا هنت

لا تحسبـك تملـك الباقـيـن بريـالـك
يملكهم اللِّـي منـزِّلْ سـورة الحشـري

صح لسانك

	المشاركة الأصلية كتبت بواسطة الـــــبـــــارع

	لا تحسبـك تملـك الباقـيـن بريـالـك يملكهم اللِّـي منـزِّلْ سـورة الحشـري صح لسانك

صح بدنك يالبارع

شكرا لك على حضورك

لا هنت

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

مرحبا بك يبو نواف

عافاك ربي من كل شر


لا هنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك