البر و الخويا

سألني أحدهم هل أحب البرّ
و من هم خوياك؟
فأجبته بهذه الأبيات
آمل أن تحوز على رضاكم:

أحب البر لاجل البر واسع= و هواه انظيف و المنظر خُرافه
يبعدني عن المدن و هواها= و أفرح كل ما ابعدت المسافه
إلى جت رحلةٍ فيها نشاما= وساع صدور ما فيهم لقافه
خفيفين النفوس بكل ماقف= لهم سَبقٍ على دَور الضيافه
و لا فيهم كسولٍ و اتكالي= الى منه هرج جا الهرج تافه
رجالٍ كل منهم فيه نخوه= و يقوموا الفجر و يصلّوا مَخافَه
و الى جا وقت وجبتهم و الاهم= حضور و لا شكوا كثر الكلافه
و الى جا وقت عودتهم لاهلهم= و الى مكانهم أكثر نظافه
هذولا اللي مخاواهم ينومس= و لا أحدٍ قال معهم يا حسافه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

مرحبا بك يالحب الباقي

شكرا لحضورك

صح لسانك اخوي
و احنا في انتظار مثيلات لها
دمت في حفظ الرحمن

	المشاركة الأصلية كتبت بواسطة سود الهدب

	صح لسانك اخوي و احنا في انتظار مثيلات لها دمت في حفظ الرحمن

صح بدنك يا سود الهدب

الله يحفظك

صح لسانك ملاييييييييييييييين



شاعر جزل اطرب لقصائدك



لك تقديري

	المشاركة الأصلية كتبت بواسطة أبوليلى

	صح لسانك ملاييييييييييييييين شاعر جزل اطرب لقصائدك لك تقديري

يا هلا بك يبو ليلى

صح بدنك

و هذا مما يشرفني

لك تحيتي و تقديري

صح لسانك وبيض الله وجهك

نص جميل وشاعر بارع

تقبل تحياتي

	المشاركة الأصلية كتبت بواسطة نشمي المطوع

	صح لسانك وبيض الله وجهك نص جميل وشاعر بارع تقبل تحياتي

مرحبا بك يا نشمي المطوع
صح بدنك
و هذا من طيبك
لاهنت

صح لسانك ..

قصيده رائعه واحساس اروع ..