سو لي يامسندي فنجال محكورن بهاره

السلام عليكم ورحمة الله وبركاته
اضع هذه القصيده المتواضعه بين ايديكم امل ان تحوز على رضاكم

سو لي يامسندي فنجال محكورن بهاره=مايكيف راس اخوك الا قناد الشاذليه
ماتكيف كنة الغليون الاشقر والزقاره=ماعلا صدري مزاد اشب وسطه نار حيه
لي ثلاث ايام في صدري من الضيقه حراره=يالله اني طالبك يارب خففها عليه
الزمان اللي يحير كل عاقل في مساره=من ضحايا العولمه والتلفزه والبرمجيه
كل شي انقول له هذا من اسلوب الحضاره=واتبعنا منهج التسويف واللامنهجيه
لاتبعنا شرع خالقنا ولا هدي الاناره=كل واحد لاهرج يقول مامني خطيه
وكل شي عندنا سمي باسما مستعاره=تضحك العاقل شوي وتبكي العاقل شويه
الحسد والضلم عودنا نسميها نعاره=ومدحة المخطي وتشجيعه انسميها حميه
والكذب والنصب سموها ذكاء مدري شطاره=والمصيبه صارت الرشوه مسماتن هديه
والريا سمي كرم وابو ريا زاد افتخاره=امدحوه وقال انا راع اليمين الحاتميه
لو نخاه اللي عليه اديون قاصرتن اهجاره=والله انه مايقدمله من الخاطر بليه

خاطره

لاتتعب الفكر والهاجوس واتكثر =بالضن والضن ماله بينا داعي
الكلمه اللي بليا غيب ماتثر=الا على واحدن تفكيره اصناعي
والصاحب اللي عن الطالات متعثر=ماني على صحبته مجبر ومطواعي
صحبه بلا طيب تبقا سيف مدثر=ماهي بسيف بحد الحد قطاعي
والدم ماينفعك لاصار متخثر= يثر على القلب ويسبب له اوجاعي

احمد الطريسي
صح لسانك و سلمت على هذه القصيدة الجزلة و انت راعي للجزالة

	المشاركة الأصلية كتبت بواسطة منصور العوفي

	احمد الطريسي صح لسانك و سلمت على هذه القصيدة الجزلة و انت راعي للجزالة

صح بدنك وبيض الله وجهك على المرور الراقي

احمد الطريسي
صح لسانك و سلمت على هذه القصيدة الجزلة و انت راعي للجزالة ودمت بخير

صح لسانك على هذه القصيدة اللي تبيض الوجه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك اخوي
لا عدمنا ابداعك

صحححححح لسانك
وبيض الله وجهك

صح لسانك وبيض الله وجهك

ياسلام عليك يااحمد شاعر عذب وقصائدك جميله جدا00
لكن الخاطره اللي تقول هذه قصيده بحد ذاتها وقدصخرت القافيه الصعبه بشكل ممتاز
شكرا على ذلك00يجب ان تنزل هذه القصيده وحدها 00