الجـــرح من بيـــن المحبيـــن بلــــوى ..

الجـــرح من بيـــن المحبيـــن بلــــوى*** والشــــوق لقلـــوب المقفيـــن حرمـــــان

اليــــا شربت ..اشــرب غلا ليــن تروى*** دام الهـــــوى مالــه شريــعه وبرهــــان

وان كان مــاتلقى ورى الحب ســـلوى*** راحــــة ضميــــرك ماتقـــدر بالأثمـــــان

اشمخ ســــــما عن باردة كــــل مثوى*** واظفــــر بحب(ن) ماتغيــــّـــرْه الازمـــان

لاترمـــي الهقـــوات من دون رجــــوى*** الله يحـــب الرفــق ويحـــب الإحســـــان

الشمــس يبراهــــا القمــر كل ماضْـوى ***والنجــــم نوره لامبـــرى الصبـــح مابان

حاول علـــى رجواك ســــر(ن) ونجــوى ***وجـــدد لها الميثـــــاق في كل الأحيــان

اتعب .. ان كــانت بنت الاجـــواد تسـوى ***وان كان ما تســــوى ترى الحب خذلان


خالص تحياتي

حمدان مخلد الغيداني

الله الله الله

ياسلام

درس اجتماعي مفيد

اااااه لو الحب ينفع معه التطبيق العملي ههههههههههههه

بيض الله وجهك اخي حمدان مخلد الغيداني

واشكرك على هذه الدره

بيض الله وجهك وصح لسانك

تقبل اجمل التحايا

ودمت بخير

صح لسانك وسلم بنانك


قصيدة في غاية الروعة


::::::::::::::::::

لاهنت وصح السانك



تقبل التقدير والاحترام



وفقك الله

الله لا يهيكم على المرور والتعليق .. وعلى قولك يا ابن خير الله الحب بالوقت هذا ماينفع فيه لا تطبيق عملي ولا غيره ولكن: عسى الله يجمع قلوب المحبين قولوا آمين !

تحياتي لكم

اتعب .. ان كــانت بنت الاجـــواد تسـوى ***وان كان ما تســــوى ترى الحب خذلان

انشالله تجيك بنت الاجواد الي تسوى
وصح لسانك "

اتعب .. ان كــانت بنت الاجـــواد تسـوى ***وان كان ما تســــوى ترى الحب خذلان

ههههههههههههه

الله يعطيك العافيه وصح لسانك

وننتظر جديدك

صح السانك حمدان وبيض الله وجهك

لاهنت الله يعطيك العافيه

حمدان الغيداني
صح السانك وبيض الله وجهك

	المشاركة الأصلية كتبت بواسطة حمدان مخلد الغيداني

	حاول علـــى رجواك ســــر(ن) ونجــوى=وجـــدد لها الميثـــــاق في كل الأحيــان اتعب .. ان كــانت بنت الاجـــواد تسـوى=وان كان ما تســــوى ترى الحب خذلان حمدان مخلد الغيداني

صح لسانك يابو حازم واعتلى شانك .. بيض الله وجهك على هذه الابيات الرائعة
وعلى هذا الابداع الغير مستغرب من نبع الابداااع