يامن خبر لي واحد يحكم الشور

بسم الله الرحمن الرحيم
اخواني اعضاء ملتقى حرب وزواره اضع هذه القصيده المتواضعه بين ايديكم واتنى ان تحوز على استحسانكم

يامن خبر لي واحد يحكم الشور= من غير قاصر في جميع الرجالي
محتاج شور مجرب جاله اعصور=كد جرب الايام ميل وعدالي
عود يدرج خطوتينه اباكور=مقوس ضهره سوات الهلالي
مرت عليه ايام وسنين وشهور=وابسئله جعله ايجاوب سوالي
اما قبلت الشور واقول مشكور=والا مشيت وقلت ياهملالي
يالله عسى مما جرا لي ماجور= يالواحد القيوم رب الجلالي
عزاه ياصدر من الهم محشور =حشر الشجيع اللي يفك التوالي
قرم يضد القوم طابور طابور=ويحسب حسابه في نهار القتالي
بعد اعتزى قدام من تشبه الحور=ام الاصل والفصل وام الدلالي
ولوح على صفرا لها ساس مشهور=من ركضها ثور اغبار السهالي
كنه يقول بهرجتن كبروغرور=شوفي فعولي ياشبيه الغزالي
وقف لعدوانه على طلعت النور=ولاهو براجع غير وقت الزوالي
ويوم اشعم النيران والدم منثور =قل الرصاص ومخزن القفش خالي
اليا انهزم قدامها مات مقهور=واليا وقف جاه اشهب الملح صالي
باسباب جرحن مايداويه دكتور= من واحد فاديه حالي ومالي
عذرا معاشقها وانا باول الدور=واغليتها عن كل طيب وغالي
وغطست لاجل اعيونها غبت ابحور =وجبت الجواهر لاجل يوم الوصالي
وسويت فيها عقد بالماس منشور=وعنقه يزود العقد حسن وجمالي
كم ليلتن سامرتها عز واسرور=عز وشرف وانا كريم السبالي
مازحتها لاكن ماجيت محذور=ولاغلت علي اقصى العرب والموالي
واعطيتها الكايد على كل ميسور=ولاضن تلقى في زماني بدالي
واليوم بالفرقا وبالبعد مجبور=جبر يخلي علقم المر حالي
واخذت افكر بين منهي ومامور=وعديت في روس الرجوم الطوالي
مادري من اشاور ولو مابه اقصور=باهل الوفاءوالله راع الكمالي
امرين ماعنهن مسانيد واحدور=اما اليمن والا طريق الشمالي
اما نحرت اشعيل واحرقت بالكور=واشتلت مع حمل حمولن ثقالي
والا دثرت السيف والسيف مخبور=وزودت صدري نيرتن واشتعالي
والا تصير امور وامور وامور=ويصير علم بخاطري ماطرالي
اما ديار ممحله وقت وادهور=والا ديار وسطها السيل سالي
يامن يجاوبني على العلم بسطور=براي يحل معقدات الحبالي
اخير احط ايدي في وسط تنور=واصبر على جاي واللي جرالي
وانا ولد حر مايصبر على الجور=ولاني بمتجود بجرف هيالي
والا اتعزم واعتزم واهدم السور=شمس الشتاء تسوى جميع الضلالي

كم ليلتن سامرتها عـز واسـرور
عز وشرف وانـا كريـم السبالـي
مازحتهـا لاكـن ماجيـت محـذور
ولاغلت علي اقصى العرب والموالي
واعطيتها الكايد على كـل ميسـور
ولاضن تلقى فـي زمانـي بدالـي
واليوم بالفرقـا وبالبعـد مجبـور
جبـر يخلـي علقـم المـر حالـي

صح السانك وبيض الله وجهك

قصيده كامله والكامل وجه الله عطيتها حقها من اجزاله وقوة المعنى

ورايي كل شي يهون الا السيف


احذر السيف لايندثر وعمرك طويل
الله يعطيك العافيه

	المشاركة الأصلية كتبت بواسطة جريح الفرقا

	كم ليلتن سامرتها عـز واسـرور عز وشرف وانـا كريـم السبالـي مازحتهـا لاكـن ماجيـت محـذور ولاغلت علي اقصى العرب والموالي واعطيتها الكايد على كـل ميسـور ولاضن تلقى فـي زمانـي بدالـي واليوم بالفرقـا وبالبعـد مجبـور جبـر يخلـي علقـم المـر حالـي صح السانك وبيض الله وجهك قصيده كامله والكامل وجه الله عطيتها حقها من اجزاله وقوة المعنى ورايي كل شي يهون الا السيف احذر السيف لايندثر وعمرك طويل الله يعطيك العافيه

اخوي جريح الفرقا صح الساتك وجهك ابيض يالوافي ورايك مقبول

وتقبل تقديري واحترامي

صح السااااانك ياأحمد الطريسي جزله ووجدانيه الله لايهينك وبتلقى اللى يعطيك الشور

	المشاركة الأصلية كتبت بواسطة الشلياني

	صح السااااانك ياأحمد الطريسي جزله ووجدانيه الله لايهينك وبتلقى اللى يعطيك الشور

صح بدنك وتسلم على المرور الراقي ولا قصرت يالذيب

تقبل تقديري واحترامي

صح لسانك
وعلى شانك
:
:
وتقبل خالص شكري وتقديري .

	المشاركة الأصلية كتبت بواسطة الحميدي المخلفي

	صح لسانك وعلى شانك : : وتقبل خالص شكري وتقديري .

صح بدنك ورفع الله مقدارك يالغالي

تقبل شكري واحترامي

الله

الله

ما أقدر أقول إلا صح لسانك يا احمد

قصيدة جزلة و أنت مايستغرب منك الجزل

يا ابو محمد

	المشاركة الأصلية كتبت بواسطة حميدان العوفي

	الله الله ما أقدر أقول إلا صح لسانك يا احمد قصيدة جزلة و أنت مايستغرب منك الجزل يا ابو محمد

صح السانك يابوناصر والجزل ردك يالوافي

تقبل تقديري واحترامي

صح لسانك علىهالقصيده الجزله
والراي بسيط بس اللي ماهو بسيط الرد على قصيدتك
تقبل تحيتي
بانتظار جديدك