يعجبني الطيب

يعجبني الطيب وقدم له الطيب= احاول الحق با المواجيب طيبه
اذب عنه مشذبين العراقب = مرضى عليه العايله والغليبه
وليا نشدني واحد هو لك صحيب = اقولها متنومس اني صحيبه
ان شاف من سود اليالي مخاليب= يلقاني اول واحد يعتزيبه
ون شركن في الضروف الكلاليب = عن فزعته ما تدخل القلب ريبه
اقربه مني ولو ماهو قريب= ماهي قرابة دم قربت كسيبه
حيث ان مثله عندي اكبر مكاسيب = ومن يكسبه ياطيب والله نصيبه
ماهو بسامع فيك شمات ومغيب= الي جداه يقول بك قول غيبه
وقرب الرجال الي تحفظ المواجيب = اخير وابرك من قريب حظيبه
الي مع الصحبه تقل يدخله سيب= لو طاب ليله ما يخليه سيبه
اقضيف المذهب ردي المناسيب = كلمه تقفيبه وكلمه تجيبه
لا ناطحٍ قاله ولا هو لك منيب = وقولة هلا لضيف عنده مصيبه
اتخاف يامنه هرج وش يبا يجيب = يبلاك في عوجا بليا سبيبه
ان قلت له مخطي يبا يقول انا مصيب = واليا سكت ايقول غيرك غريبه
مار السكوت احيان حكمه وتاديب = وخله على ماقيل حادر شعيبه
هذاك عرفه عيب ومرافقه عيب= وافضل دواء للعيب ترك المعيبه

صح السانك خالد وبيض الله وجهك قصيده جزله الله يعطيك العافيه

	المشاركة الأصلية كتبت بواسطة جريح الفرقا

	صح السانك خالد وبيض الله وجهك قصيده جزله الله يعطيك العافيه

جريح الفرقا


صح بدنك اخي الكريم اشكر حضورك

وقرب الرجال الي تحفـظ المواجيـب=اخير وابـرك مـن قريـب حظيبـه

صح لساااااااانك ياخالد قصيدة في منتهى الروعه

اعجبتني كثيرا

تحية لشخصك

	المشاركة الأصلية كتبت بواسطة عيسى العوفي

	وقرب الرجال الي تحفـظ المواجيـب=اخير وابـرك مـن قريـب حظيبـه صح لساااااااانك ياخالد قصيدة في منتهى الروعه اعجبتني كثيرا تحية لشخصك

الشاعر عيسى العوفي



صح بدنك واتشرف في حضورك الراقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي صح بدنك الله يعطيك العافيه على المرور

.

.

هذاك عرفه عيـب ومرافقـه عيـب
............وافضل دواء للعيـب تـرك المعيبـه


شعر الحكمة .. وحكمة الشعر


الله عليك ياخالد الحصني

تفتحت زهور الروح .. وأرتوى هذا المتصفح بالشعر/المطر ..

هنــا شعر حقيقي

يجعلك تهز فناجيل الحشـا طربان من الجمال والمعنى ..



صح لساانك مـدد بلا عـدد

ولاهنت لا عـدمتك

	المشاركة الأصلية كتبت بواسطة خالد الشعيفاني

	. . هذاك عرفه عيـب ومرافقـه عيـب ............وافضل دواء للعيـب تـرك المعيبـه شعر الحكمة .. وحكمة الشعر الله عليك ياخالد الحصني تفتحت زهور الروح .. وأرتوى هذا المتصفح بالشعر/المطر .. هنــا شعر حقيقي يجعلك تهز فناجيل الحشـا طربان من الجمال والمعنى .. صح لساانك مـدد بلا عـدد ولاهنت لا عـدمتك

الاخ الكريم خالد الشعيفان


اشكرك على كل ما تفضلت به من كلام جزل ولا يخرج الا من شاعر متذوق لشعر وصاحب ذائقه عاليه ويدل على هذا ما تحرص عليه من الحكمه والجزاله التي اتمنى ان اكون قد نلت منها شي


صح بدنك اخي الكريم ولا هنت على ما تفضلت به

صح لسانك
..
..
أسجل اعجابي بالقصيدة
..
ويعطيك العافيه ..