أبعفي أقدام طيفك من مشاويره

آولـى مشـآركـآتي آلشعريه وآنشـآالله تحوز على رضـآكم وآستحسـآنكم ...

الوجد والهم والهوجاس والحيره=آربع ملامح بوجه يخفي أسراره
والسهر والشوق للمحبوب والغيره=ثلاث تصلـى خفوق العاشق بناره
وعيون تبكي وقلب رخص تسعيره=قمة قهر نقصت بالحب معياره
والصاحب اللي جفاني وأبعد بسيره=وش ذكره في ودادآ ماتت أخباره
قلبي عقب سجن خله ذاق تحريره=مايهتوي دار فيها قل مقداره
ألسالفه ماهي مجامل وتصبيره=السالفه حد بين الليل وأنواره
آلسالفه ياعزيزي فضها سيره=مانيب ناكس على هذلول ودياره
أبعفي أقدام طيفك من مشاويره=ماعدت شفقان في حزات مسياره
طيف جبرني على رسمه وتصويره=أرموش عيني لياشرفت بزياره
ضيعتني بين توريده وتصديره=كنك تفنن على جرحي وتختاره
حفظتني عذرك ومليت تكريره=وجـآ طاري البعد عقب العذر وأضراره
دربك خضر وأنت مايحتاج تذكيره=ألمقفي أن غاب زوله ماتبع أخباره
واليوم يمكن بعادك سعدآ وخيره= ويعشب خفوقي غرام وتنبت أزهاره

صح لسانك قصيده جميله0
بانتظار جديدك لاتطول000

	المشاركة الأصلية كتبت بواسطة نداء الغيداني

	صح لسانك قصيده جميله0 بانتظار جديدك لاتطول000

	مشكور على مرورك الكثرمن الرايع يا نداءالغيداني

صح لسانك يا ابن خضير

مادام شاعرنا / نداء الغيداني

اجاز القصيدة فتوكل على الله

	المشاركة الأصلية كتبت بواسطة حميدان العوفي

	صح لسانك يا ابن خضير مادام شاعرنا / نداء الغيداني اجاز القصيدة فتوكل على الله

	حياك الله حميدان العوفي مشكورعلى مرورك و اعتقد اني شاعر متمكن ولا احتاج ان يجيزني نداء الغيداني ولاغيره بدون قصور بالجميع والغريب ان الاسم ما هو معروف عندكم ترى حبيت امزح معك ههههههههههههه وعلى الله توكلن

الشاعر اعرف مقامه من تعابيره=ماقيس بالقافيه والوزن مقداره
ويابن خضير انت ماتحتاج تاشيره=الشعر محتاج لك ياسابر اغواره
يسلم لسانك حكيمٍ في تفاسيره=تغرف بحر ماتقطّر لك بقطاره

دم بعز وتقبل إجلالي

	المشاركة الأصلية كتبت بواسطة عبداللطيف العوفي

	الشاعر اعرف مقامه من تعابيره=ماقيس بالقافيه والوزن مقداره ويابن خضير انت ماتحتاج تاشيره=الشعر محتاج لك ياسابر اغواره يسلم لسانك حكيمٍ في تفاسيره=تغرف بحر ماتقطّر لك بقطاره دم بعز وتقبل إجلالي

	صــح لســآنكّ علىّ الابياتّ الجميلهّ وهذهّ شهادهّ اعتزّ فيها من شــآعر بحجمكّ،،،،الله لايهينك..وبيض الله وجهك،، مشكـــورر على مرورك الاكثر من رائع،، وآنمــآ دل على حسن ذوقك الشعري،، تقبل تحيــآت ،،اخوك عبدالرحمن خضير

عزالله انكشاعر متمكن


صح السانك على هلحبك

	المشاركة الأصلية كتبت بواسطة حمدفهيدالحربي

	عزالله انكشاعر متمكن صح السانك على هلحبك

	مشكور علىمرورك والاعليك زود طال عمرك تحياتي

دربك خضر وأنت مايحتـاج تذكيـره
ألمقفي أن غاب زوله ماتبع أخبـاره


حلو هذا البيت وعن اذنك اباضعه لي توقيع