جاء في نحرها متقى من خوته في سدهـا

السلام عليكم ورحمة الله وبركاته
قصيده ارسلتها إلى الرائد /عبدالله مناحي السبيعي

سلام رديـة وفـا من خاطـرن فيـه القـصـيــد=أعــدهــا وأقــــولـهــا والله يــزيــن عــدهـا
غـنيـتها لأهل الشكـالـه والـوفـا بجمـل نشيـد=من هـاجـسـن يرفـع تحـايا وافـره مـن عـدٌهـا
يـم الخـوي اللي ليا حميت وقف جنبي عضيـد=جاء في نحرها متقى من خوته في سدهـا
يم السـبيعي والـمراجل مالهـا غـيـر الفــريـد=عـبـدالله اللـي يحـتمـيهـا لـو تـعـدت حدهـا
حر" شهر في ماقفه والنصر عنوان الشهيـد=مـن لابة" ماتخاف موت ولا كسرهـا ندهـا
نسل الرجال اهل الوفا والطيب والراي السديد=تضرب على كايد لو ان أرجال تاقف ضدهـا
في وقفته يشهد لها اللي من قريب ومن بعيد=يـوم الـمواقف ماحماها غيـر منهـو قدهـا
حقن على الاصحاب للأصحاب بالذكر المجيد=مايـجهله غير الردي بالعرف عنـي ردهـا
وان كانت ناوي يالسبيعي يوم طريت الشديد=يـابـومناحي ياعـساهـا خـيـر ويـن تلدهـا
الله يـهـون وجـهتــك والله يحـقـق ماتـريـد=لـو العرب في روحتك ياصاحبي مـا ودهـا
أهـديتها يوم المعزه ساكنـه وســط الـوريـد=هاك الوسيمه والوسيمه وسمها في خدهـا
أهديتها للي فخر لامـن بـقـت عنـده رصـيـد=لــي الـفـخر في خـوتـه دام العزيمـه شدهـا

صح لسانك
..
..
أسجل اعجابي بالقصيدة
..
ويعطيك العافيه ..

صح الله لسانك
ولاهنت
وسلم فكرك وبنانك
دمت برعاية الله وحفظة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

تسلم يا الجابري على هالقصيدة الجزلة

الرائعة ،،

وصح لسانك وعساك سالم


ابو بتال

حمود الجابري
اسم يشع في سماء القصيد
لله درك
نسل الرجال اهل الوفا والطيب والراي السديد
تضرب على كايد لو ان أرجال تاقف ضدهـا
تستاهل الغلباء
صح لسانك
ويعطيك العافيه
تقبل مروري
اختك/ بنت عوف

الله الله ياحمود


انت كفو وشاعر كبير صح لسانك وبيض الله وجهك

صح لسانك ملاييييييييييييييين



شاعر جزل اطرب لقصائدك



لك تقديري

صح الله لسانك وبيض الله وجهك

جزل لا عدمتك

تحياتي

اخوك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة