مصافحة أولى

مصافحة أولى وأتمنى ان تنال اعجابكم ورضاكم

صباح الخط والمشوار والتحضير والدفتر=صباح اليأس والأحلام عسى الله يفرج الكربه
صباح اللي فسوق المال يضارب والقهر يخسر=صباح آمال تجدّد لذاك اللي سكن غربه
صباح التاجر الطامح فكم مشروع وهو يحذر=يخاف من الفلس يخشى كفيله يوم يغدربه
اجل ما عاد باقي شي به احلام الفتى تذكر=اجل يبقى على حاله يجيه الراتب النكبه
يروح الثلث في قرضه سداده بالسنة وأشهر=وياخذ ثلثه الثاني اجار المسكن وغلبه
ويبقى ثلث متشتت فواتير وهموم أكبر=طعام عياله ووضعه اكيد احوالهم صعبه
اجل منهو يلّم القرش يحاول والرجا يقدر=يجييله يوم يلقاها حياته شرحه ورحبه
همومي يا هموم الناس اشوف الحال يتدهور=تجي ازمة بعد ازمة نسلي نفسنا بكذبه
بأن الوضع يتحسن ويبقى حلم لا اكثر=الين الله يفرجها وتحقّق لنا رغبه

شكرا لهذا الحضور

صح الله لسانك
ولاهنت
وسلم فكرك وبنانك
دمت برعاية الله وحفظة

همومي يا هموم الناس اشوف الحال يتدهـور=تجي ازمة بعد ازمة نسلـي نفسنـا بكذبـه

وصح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

,
,
هلاوغلا فيك بين ربعك واخوانك
,
وصح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك ..
..
أسجل اعجابي بالقصيدة
..
ويعطيك العافيه ..

رقي حروفك تعدى وصف الخيال

صح الله لسانك ..ولاهنت

تقبل مروري واحترامي وتقديري

صحة ابدانكم جميعا

شكرا للجميع على المرور الكريم على القصيدة

لا هنتوا وبيض الله وجيهكم

ياهلا ومرحبا فيك
يالحر وسط الاحرار
الله يحييك في منتداك
حللت اهلا ووطئت سهلا
وبيض الله وجهك
قصيده جزله فيها كل معاني الروعه
ولايستغرب الجزل من اهله
صح لسانك
والله يعطيك العافيه
وننتظر ابداعاتك الشعريه