اقول لو بشرت سقت البشاره

نخاني الاخ /عبدالله بن بشير الحصني "ابو راشد" بأن أثني على
صحب المعروف ومن لاأثنى على المخلوق ما أثنى على الخالق
وبحكم معرفتي التامه لأبو صخر فقد ذكرت قليل من كثير
((ومن لاقتنع ينشد ويلقى الدلايل))

عبدالله بشير نخاني لموضوع=واقول لو بشرت سقت البشاره
اللي مثل هذا له الراس مرفوع=أبشر يابو راشد بدون استخاره
اضرم على رد الثناء اضرام واجوع=ولولا الثنا المعروف يرثى اندثاره
لكان في هالدور ياقل هالنوع=ياقل من يثني بصدق العباره
يفداك ياراع الثنا كل منزوع=اللي يطفي النور بعد الإناره
وابو صخر مبطي عن الهزل ممنوع=درب الردا كله يحطه يساره
ابعد عن الأنذال من حبة الكوع=ولا مع أهل الجود رهن الاشاره
مع زرع اظافيره به الطيب مزروع=متورث عويضه بكل افتخاره
عنه الردا ابعد من صلاله لميقوع=وإلا الوفاء اقرب للوفي من زراره
له في قرايا نجد بالمجد مشروع=تلقى الدلايل بين حاره وحاره
حبل الوفاء بيديه مثني ومربوع=كلمة نعم عنده رصيد التجاره
ياكثر ما يدرك شفاعه لمشفوع=واطفى بها نارٍ مثل نار واره
كفه عن المفجوع يمسح بها دموع=يمناً عساها ماتجيها الجباره
قلبه لفعل الخير مادونه ضلوع=ويقسى على اهل الثرثره والإثاره
ماهو تطبع بين الاضلاع مطبوع=لو قلت له تكفى خطير انفجاره
هومت بطل ماهومته هومت تبوع=وهبه وورثه ماخذاها استعاره
والله لشيد بكل مقري ومسموع=والشوف له تاره وللسمع تاره
لو قلت عن ماشفت ما احصيه باسبوع=وماقل دل وزبدته بإختصاره

بيض الله وجهك يا ابو فهد

ماقصرت


صح لسانك و إعتلاء شانك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

صح لسانك يابو فهد


واعتلا شأنك

صح لسانك ياابوفهد وانت دئما وافي وبانتظار المزيد من القصيد

أبدعت يالشاعر

صح لسانك ... بوووح راقي

دمت ودام نبض قلمك

صح لسانك اخوي زيد على القصيده الرائعه

طابت ايامك والله يعطيك العافيه

الشاعر الكبير/ زيد مبشر

صح لسانك وبيض الله وجهك

قصيده رائعه

تحيتي وتقديري لك

صح الله لسانك
ولاهنت
وسلم فكرك وبنانك
دمت برعاية الله وحفظة