((( ناس ٍ تغث الكبد وتحلل على ما هي تريد )))

للتواصل مع النشاما في هذا الصرح الشامخ

قالوا جديدك قلت أنا لي مـدةٍ مـا مـن جديـد=قفلت بيبان القريحـة واسترحـت مـن العنـا
كله لجل لا يحلل المعنـى راع الفكـر الزهيـد=اللي يـدوّر للمداخـل جعـل عظمـه بالونـا
لو كان ما هو لاقي ٍ مدخـل ولا هـو مستفيـد=إلا لجـام ٍ يلجمـه أشـد مـن ضـرب القنـا
من كل من ينطق كلام الحق والـرأي السديـد=اللي يقول الحق مـا جامـل رفيـق ٍ وأخدنـا
ومن فضل ربي ما علي دام البناء ساسه جويد=ومهندسـه يحمـل شهـاداتٍ تؤهـل للبـنـا
شهادة الوافيـن عنـدي تعتبـر أكبـر رصيـد=وألا خدوش الخلق لو قالت تـرى مـا همنـا
ما همنا قول الخدوش أهل الـدوادي والهبيـد=اللي تحاول تنتقـد لـو كـان مـا هـي قدنـا
ناس ٍ تـرز أنفوسهـا ولا لهـا فعـل ٍ مجيـد=تقصر يمانيها عن الطـولات وأتمـوت أغبنـا
أقلوبها فيها الحسد يجري مـع حبـل الوريـد=وأكفوفها ما حاشت الناموس والـروس أجبنـا
ناس ٍ تغث الكبد وتحلل على مـا هـي تريـد=لو كان مـا تنظـم لهـا بيـتٍ وحيـدٍ متقنـا
لا شفت شعر ٍٍ تكتبه عفت القوافـي والنشيـد=وقلت أشهد أن اللي زرع وسط الصباخي ما جنا
يموت زرعه ما جنا غير التعـب هـذا الاكيـد=لو طالت الأيـام مـا حصـل جزيـل ولا ثنـا
وأنا على منهج هل الجـزلات والمجـد التليـد=أنظر وراء سطح القمـر والفكـر لله مـا دنـا
أطلق خيالي وأبعد النظرة ولي عقـل ٍ رشيـد=يختار من عـذب القوافـي كـل قـافٍ يقتنـا
يقنونه اللي يعشقون الجزل من نظـم القصيـد=اللي يحفظون الجزال مـن القصايـد وأفطنـا
لا سمعه الناقد يقول هذا هـو الشعـر الفريـد=لله در أهـل الجزالـة شعرهـم يحفـظ لـنـا
مثل الجواهر مع مرور الوقت لا يمكـن تبيـد=لو بادت الأجيـال منتـوج الجزالـة مـا فنـا
وهذا قصيدي حلله يا للـي تحلـل مـن بعيـد=لو كان ما بيّنت راسـك جعـل راسـك يدفنـا
الشعر له من يفهمه يا صاحـب الفكـر البليـد=مالـك ومالـه دام فكـرك للجزايـل مـا قنـا
وأختامها يا هاجسي تبقـى مـع الأيـام سيـد=للشعر دام الشعر لـه شعـار وأعقـول أرزنـا

صح لسانك ..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة سالم الفريدي

	صح لسانك .. .. أسجل اعجابي بالقصيدة .. ويعطيك العافيه ..

الاخ الغالي سالم الفريدي صح بدنك يالوافي
وأعجابك يزيدني فخر لاهنت وتقبل تحيااااتي

,
يامرحبا ياهلا يابوسعد
,
من طول الغيبات جاب الغنايم

,
صح لسانك وانا اشهد وسلم بنانك وانت راعيها

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

	المشاركة الأصلية كتبت بواسطة ابوروان النويمي

	, يامرحبا ياهلا يابوسعد , من طول الغيبات جاب الغنايم , صح لسانك وانا اشهد وسلم بنانك وانت راعيها قصيدة وافيه من وافي بيض الله وجهك يالذيب اتمنى لك التوفيق اخيك ابوروان

الاخ العزيز أبو روان النويمي الله يبقيك يالوافي
ولاعليك زود صح بدنك ووجهك ابيض ولا هنت
على كلامك الطيب وتقبل تحياتي وتقديري ,,,

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

	المشاركة الأصلية كتبت بواسطة ابومشعاب الحربي

	صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

الاخ الغالي ابو مشعاب الحربي صح بدنك يالوافي وشهادتك
وسام أضعه على صدري لا هنت وتقبل تحيااااااتي وتقديري

صح لسانك وعلا شانك ..

كلمات رووووووووعة ..

دمت ودام إبداعك

	المشاركة الأصلية كتبت بواسطة الراعي والذيب

	صح لسانك وعلا شانك .. كلمات رووووووووعة .. دمت ودام إبداعك

الاخ الغالي الراعي والذيب صح بدنك يالقرم
ولاهنت على مرورك العطر وتقبل تحيااااتي

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك