ياماحلا غدوه...برفقة مسافير ................... أهل العلوم الغانمة والملاحه

السلام عليكم ورحمة الله وبركاته

أجواء هذه الأيام لاتعوض في الصباح الباكر بعد صلاة الصبح

وجلسة مع شرواكم عند البل بالدنيا تنشري ....

هذا المبنى في ذلك المعتى


أرجو أن تحوز على رضاكم

ياماحلا غدوه...برفقة مسافير=أهل العلوم الغانمة والملاحه
في هجعة النومان راع المخاسير =اللي صلاته بعد ولاً صباحه
في بيدة (ن) شادت كفوف الغنادير=بيض النواظر واااالفات السماحه
فيها تبختر غاليات المغاتير=أمثال فلك (ن) ماهره بالملاحه
كوم الخواصر يقطر الشمل تقطير=ابشهد ريح العشب فيه استباحه
حالي من الخلفات كسب المناعير=اللي بها النوماس وللبال راحه
في جو يعجز عنه جزل التعابير=فيه السما بالمزن لابس وشاحه
هب النسيم يزيد روحي من الخير=برد وسلام ابصبح محلا رباحه
ياماحلا غدوه...برفقة مسافير=أهل العلوم الغانمة والملاحه

ملاحظة :

الملاحه .... حسن

الملاحه .... بكسر الميم فن الإبحار

ومتم سالمين

شرواك الطيب اخوي / فواز ...

و صح لسانكـ على هذه القصيدة الجزلة ..

دائماً معودنا على الجزالة .

تقبل شكري و احترامي

	المشاركة الأصلية كتبت بواسطة حميدان العوفي

	شرواك الطيب اخوي / فواز ... و صح لسانكـ على هذه القصيدة الجزلة .. دائماً معودنا على الجزالة . تقبل شكري و احترامي

صح بدنك يالغالي

أسعدني مرورك الكريم


بارك الله فيك

فواز الزويهري

شرواك الطيب اخوي

صح الله لسانك على الجزله وبيض الله وجهك

يعطيك العافية

ولاعدمناك

	المشاركة الأصلية كتبت بواسطة مانع الجابري

	فواز الزويهري شرواك الطيب اخوي صح الله لسانك على الجزله وبيض الله وجهك يعطيك العافية ولاعدمناك

هلا والله وغلا

مرورك محل تقديري

زصح بدنك والله يبارك فيك

لم خاااااااااالص التقدير

,
,
,
صح لسانك وسلم بنانك وشرواك الطيب

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

	المشاركة الأصلية كتبت بواسطة ابوروان النويمي

	, , , صح لسانك وسلم بنانك وشرواك الطيب قصيدة وافيه من وافي بيض الله وجهك يالذيب اتمنى لك التوفيق اخيك ابوروان

صح بدنك

وسلم غاليك

والشر مايجيك

بارك الله فيك

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك

.. ولاهنتِ

نص راقي ..و عذب المعاني .. !

سلمتِ مشاعرك ..

دمتِ بـ إبداعك

راعي الحناكيه