أبوناب ) يبدع إبداعاً كبيراً في الموال

13-01-08, 02:25 PM

شاعرنا الكبير مبروك الحربي ( أبوناب ) يبدع إبداعاً كبيراً في الموال وطريقة تلحينه فهو يطرب جمهوره والذين لا يكتفون بترديده إلا أكثر من مرة فهذه إحدى مواويله في تلك الاحتفالية :

يالحروب أهل الحرابه والعيون الناظرة=في الليالي الماضية وفي الليالي الحاضرة
كما حاربتم وتسلم كـل روسـاً كافـرة=واشربي يالظامية من جمة البير أشربي

وبما أن الشاعر الكبيرمستور العصيمي كان حاضراً في تلك الليلة كان ولا بد من مناوشات بينهما وهذه أحدها بدأها أبو ناب :=

مبروك يا أهل الفرح بحضورمستور=العـام قالـوه والليـلـة نقـولـه
هذه السنة جاء لها دورن ورى دور=لعـل مستـور ربـه مـا يزولـه
@الرد من العصيمي :=
مبروك يا أهل الفرح نورن على نور=ماساع ليـل الفـرح دقـة طبولـه
نبا نصوم الدهـر ونحـج ونـزور=صياماً يرجى مـن المولـى قبولـه
@مبروك أبو ناب :=
ياليت كل الايام أفراح وسـرور=حتى نعرف الشهر عرضه وطوله
عهدي بلاماك ثلاث سنين وشهور=والعبد ما تزعلـه سنـة رسولـه
@العصيمي :=
مشكور يلي تقول الحق مشكـور=قصير الشوف تبرك بـه ذلولـه
مايقطع البحر الاحمرغير بابور=دوب الرياحي حضر ويجيه دوله
@مبروك أبو ناب :=
شفنا العصيمي معه بنـدق وباكـور=ويقول حبل الشقـى عنـدي حلولـه
حضر الرياحي صقر في حفلة صقور=والحـر مـا يختلـف قلبـه وقولـه
@العصيمي :=
أشوف مبروك قام يلـف ويـدور=لكـن يالله بخيـر فيـه وحـولـه
ديس المنيحة عن الرعيان مصرور=من دونها راعي حـزام البطولـة
@ مبروك أبو ناب :=
أنظر بعينك وراك عشرين طابور=كـلاُ بيلعـب بفكـره ومعقولـه
إن كان صريتها ماجور ماجـور=ماني معلمك بـدروب الرجولـة