محاورة لـ ((محمد الربيقي و حبيب العــازمي))

هذه المحاورة بين الشاعرين/ محمد بن عبيد الربيقي الحربي و حبيب العازمي
في حفلة الشيخ/ تركي بن نحيت بالفوارة بتاريخ19/11/1428هـ0

هلا يامرحبا ترحيبةٍ مضمونها التقدير= بكل الحاضرين بحفل من جينا على شانه
حبيب جابه الله فالقصيم و قلت فرصة خير=نبأ بعض العلوم إذا وقف يجعلها خانه

يدوم إلك البقاء حصل اللقاءو اللي يصير يصير=لكنك شب ضوك لايقوم يزيد دخانه
اروح لكل ديره و أتحدث و أحسن التعبير=و أنا ماني براعي كلمةٍ ماهي بمليانه

حبيب ياحبيب وش حصل فالماقف الاخير= يقولون الكتاب محرفٍ في نص عنوانه
و انا لاقمت ما افكر بوزن الصفر و القصدير=أفكر فالبحر و أجيب لولوه و مرجانه

ترى كل الكتب فيها تلاحظ نسبة التزوير=لكني ماقريت إلا كتاب الله سبحانه
من أول يجلب التاجر من المرجان حمل بعير=لكن اليوم دوب أن البعير يجيك ببطانه

أظن المشكلة يالعازمي بالبث و التصوير=ولو مافيه دعوى ماتعذر ريس الدانه
ترى اللي راح راح ولاتعده . لو تعده غير=عليك أنك تراعي في وطنك و حال سكانه

نعم هذا السنة حتى العلف يخلط ذره و شعير= على قول المثل هوشة حضر كلاً في دكانه
و ألا ياطير لو يكثر عليك الريش و أنته طير=تخاف من العقاب و من مخاليبه و جنحانه

ترى مالك ياكود أتردها في مكتب التاجير=و قل بكره تجي من فضل رب البيت و احسانه
حبيب ياحبيب عقب ماشفناك بالتطوير=ترى بعض الكلام يجوز ذكره مثل نسيانه

الله يبيض وجهك يابو ناصر...
عز الله انك وافي وماقصرت..
والله يوفق شاعرنا محمد عبيد..

	المشاركة الأصلية كتبت بواسطة فهد المحسن

	الله يبيض وجهك يابو ناصر... عز الله انك وافي وماقصرت.. والله يوفق شاعرنا محمد عبيد..

الاخ/ فهد المحسن
مشكور على مرور المشرف

	المشاركة الأصلية كتبت بواسطة فهد المحسن

	الله يبيض وجهك يابو ناصر... عز الله انك وافي وماقصرت.. والله يوفق شاعرنا محمد عبيد..

الاخ/ فهد المحسن
مشكور على مرورك المشرف

الله الله يالربيقي ..

صح لسان الشاعرين الكبيرين ..

محاورة رائعة ..

وبيض الله وجهك يابن عبيد .. عز الله انك داهية ..

ونتنمى ظهور وحضور دائم ..


أظن المشكلة يالعازمي بالبث و التصويـر
ولو مافيه دعوى ماتعـذر ريـس الدانـه
ترى اللي راح راح ولاتعده . لو تعده غير
عليك أنك تراعي في وطنك و حال سكانه



وبيض الله وجهك يافارس عوف وكثر الله من امثالك ..

	المشاركة الأصلية كتبت بواسطة سلطان الغيداني

	الله الله يالربيقي .. صح لسان الشاعرين الكبيرين .. محاورة رائعة .. وبيض الله وجهك يابن عبيد .. عز الله انك داهية .. ونتنمى ظهور وحضور دائم .. أظن المشكلة يالعازمي بالبث و التصويـر ولو مافيه دعوى ماتعـذر ريـس الدانـه ترى اللي راح راح ولاتعده . لو تعده غير عليك أنك تراعي في وطنك و حال سكانه وبيض الله وجهك يافارس عوف وكثر الله من امثالك ..

مشكور على مرورك يافهد المحسن

اخي القدير فارس عوف
بيض الله وجهك وعز الله انك ماقصرت يالغلا
اتمنى لك التوفيق والسداد

عزالله ان الشاعر محمد ماهو سهل شاعر جزل يعرف من اين تؤكل الكتف
ابدع وعزف اجمل الالحان
فأتمنى انه لا يبتعد عن الساحه فأتمنى ان يستمر في محاوراته الرائعه والجميله وان من يعرف عنه شيئا يقوم بتزويدنا عنه
لا هنتوا جميعا

	المشاركة الأصلية كتبت بواسطة البلادي الحربي

	اخي القدير فارس عوف بيض الله وجهك وعز الله انك ماقصرت يالغلا اتمنى لك التوفيق والسداد عزالله ان الشاعر محمد ماهو سهل شاعر جزل يعرف من اين تؤكل الكتف ابدع وعزف اجمل الالحان فأتمنى انه لا يبتعد عن الساحه فأتمنى ان يستمر في محاوراته الرائعه والجميله وان من يعرف عنه شيئا يقوم بتزويدنا عنه لا هنتوا جميعا

اخوي/ البلادي
مشكور على مرورك المشرف

ياسلااااااااااااااااام
بيض الله وجهك يالذيب / فارس عوف
وفيت ولا هفيت يالنشمي
لك جزيل الشكر على نقل المحاوره الرائع بين الشاعرين , محمد عبيد الحربي - وحبيب العازمي
صحت السنتهم جميع
والف شكر لشاعر : محمد عبيد على الابداع الغير مستغرب
نتمنا له التوفيق والنجاح الدائم

	المشاركة الأصلية كتبت بواسطة ابـ مهند ــو

	ياسلااااااااااااااااام بيض الله وجهك يالذيب / فارس عوف وفيت ولا هفيت يالنشمي لك جزيل الشكر على نقل المحاوره الرائع بين الشاعرين , محمد عبيد الحربي - وحبيب العازمي صحت السنتهم جميع والف شكر لشاعر : محمد عبيد على الابداع الغير مستغرب نتمنا له التوفيق والنجاح الدائم

لاشكر على واجب
و تسلم على مرورك المشرف