صياف الحربي و عبد الله السهلي

19-10-07, 05:37 PM

السلام عليكم
هذه المحاورة جرت عام 1409هـ في الجنادرية بين الشاعرين: صياف الحربي رحمه الله وعبد الله بن سيف السهلي رحمه الله:

أسمعوا مني وأنا با أتجرا=والكلام الزين يعرف مجاله
الرعود تدن والبرق سّرا=كل شادي يلتفت في حلاله
أنت يا صياف رجل مضرَّا=بالمعرفة والوفاء والشكاله
والعرب ما هيب يالقرم برّا=داخل الديرة وكلن وفالـه
أكثر العربان ما ينتـزرّا=يطرح المشلح ويقعد لحاله
عندنا لك سالفة وش توّرا=من قرا عنوانها طاب فاله
واقفين معك خيـرن وشـرَّا=وحاله اللي ينقل الزود حاله
واقفن معك أستمع وأتحَّـرا=والزعل والضيق نترك مجاله
الردي مع كل مسرى يسرّا=والكريم يصب لي من دلاله
لو بغيت الد لـك وأتـزرا=ما علي من البعير وعقاله
لو يجي يالقرم فرن وكـراً=الجمل لو زوَّد الحمل شالـه
لا تزرا والعرب مـا تبـرا=نجد يا صياف ما أكبر جباله
أن تهيت لك مرايـة تمـرا=ثم طش الثوب والبس بداله
القشر والسحر في راس غرّا=خلت الجمال يفـدي جمالـه
السحيمي ضاق صدره وفرا=زل وقت الحقد هو والجهاله
العرب يالقرم سـراّ وقـرّا=طاريٍ للناس شي طرى له