يالله يالله، الباص عند الباب!

هذولا بعض عيالنا و بعض بناتنا:

الباص عند الباب واقف يا عنود= يبي يروح المدرسة قبل الشروق
مسراحكم للمدرسة دايم سنود= والى طلعتوا كنكم لمح البروق
و في الفصل واحدكم على الكرسي ينود= و مدرّسِه مثله، و الابْلَهْ ما تفوق
حب الولد "للنت" دايم في صُعُود= و البنت مثله في متابعها سبوق
و الكتب عند الباب ترمى كالطرود= حتى يجي بكره و شيله ما يعوق
يشيل حق اسبوع بالشنطه و زود= ما يعرف المطلوب و اكثرها شقوق
و يرمي دروسه فوق دِرْجِه في برود= و يفقد بعضها من سبب جار(ن) سروق
و اليوم "داون لود" فلم "الهوليوود"= اصبح يسوق ابنائنا للشر سوق
و قبل اختبار الشهر في لَيْلَه، يجود= و يسهر الى الصباح و يبحّ الحلوق
و نجاحه الى جا و الى عند الحدود= مقبول و الا ضعيف، ما يرفعه فوق
و ابوه الى شاف النتيجه ماش فود= يزعلْ و يملا راسه الخاوي فلوق
هذي وصوف لبعض فلذات الكبود= و ترى بعضهم مجتهد، و ايضا خلوق
يالله تكفيهم ألاعيب اليهود= و تردهم رد(ن) حسن قبل النفوق

صح لسانك وعلاشانك



قصيده رائعه من شاعر مبدع



لك تقديري

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

هلا والله بالغالي

صح لسانك وعلا شانك مليون

والله لا يحرمنا من طلاتك الجميله

وافي وغالي يابونسب

الله يبيض وجهك

يعطيك ألف عافية...

وصح لسانك...

قصيدة جميلة وتصميم رائع...

بالتوفيق...

هلا بالصيفي ومرحبا به

وصح لسانك يامبدع

على هذه الرائعه

دمت بود

صح لسانك وعلا شانك

صح لسانك وانا اخوك على هلقصيدة الأكثر من رائعة

الأحبه:

عواض بن سعد،

الحب الباقي،

ابوروان النويمي،

حميدان الحربي،

ورقان،

سالم الفريدي،

بندر الحربي،

فارس عوف،

ابومشعاب الحربي،

و

الآنامل الفضية،

شكرا لكم على تشريفكم لهذه المتواضعة،

و على ما كتبتموه من كلمات مشجعة

دمتم و دام حضوركم الرائع

صح لسانك .... صح لسانك .... صح لسانك


دائماً راااااااااااائع يا ابو الروااااااااااااااائع