اصارع الافكار والبال منحاس 000 وأخيل نجمٍ مدبحٍ في مغيبه!!!

الاخوه بالمنتدى اعتذر عن عدم تواجد بستمرار لظروف العطله 00 واهديكم قصيده غزليه اتنمنى ان تحوز على رضاكم0

واقلبي اللي به ثمانين هوجاس = هوجاس يقفي به وثاني يجيبه
أصارع الافكار والبال منحاس = وأخيل نجم مدبحٍ في مغيبه
أمر بالمجلس ولاكن به ناس = والراس فكره حادرٍ به شعيبه
أروح وأخذ مع هوى البال مرواس = خايف على فكري هواه يغديبه
وأبكي على اللي مانقطع دونه الياس= الله يصيبه كيف قلبي يصيبه
غرون لمحته لحظةٍ ناقض الراس = والنود يلعب في جدايل غريبه
الخد يادقة ذهب فض والماس = وردٍ سقاه السيل بدنى الجذيبه
يجذبك نور الشمس بالوجه عكاس = لوغاب يوم تقول طول مغيبه
قربه شفا فيه الكفا طيب الساس = وحسبي عى اللي مالي الراس شيبه
من دونها حطو نواطيرحراس = واللي حدوني جعلهم في مصيبه
انساه بس يطريه مقطوع الانفاس = ثم اتذكر من جمعها نصيبه
والقلب من عقبه تقل فيه وسواس = وسواس وبال النظا مع ذهيبه
لاشك انا بطرش وأروح عساس = وسوق رجلي بالديار الرهيبه
يم الدياراللي بها كل الاوناس = واللي تبيه النفس ماهي صعيبه
يسقيك يادار حوت كل الاجناس = بين الغصون اللينه والرطيبه
والله ياكاشف خفا كل بلاس = تجمع ما بين أثنين وأشم طيبه!!

تحياتي / أحمد العوفي

صح لسانك يالذيب



تحياتي لك

صٍْحٍّ لسٌِِّآنْكَ وٍسٌِِّلمً بٌَِنْآنْكَ

قٌٍصٍْيَدًٍة رٌٍوٍعًٍهٍَ بٌَِرٌٍوٍعًٍة حٍّضًٍوٍرٌٍكَ

دًٍمًتُِِّْ بٌَِخٌِيَرٌٍ

الشاعر القدير : أحمد الحربي


صح لســــــــــــانكـ .......... و إعتـلا شـــــــــــانكـ ......... و إن شاء الله تستمر معنا

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح لسانك على هالرائعه
لاهنت
وتقبل تحياتي

ارحب تراحيب المطر والله يحييك

صح لسانك وسلم فكرك

رايعه بروعة حضورك

لاخــلا ولاعـــدم

لك فائق احترامي وتقديري

أحمد الحربي /
،
بيض الله وجهك وصح لسانك
،
ههه لكن لا تغيب كثير

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

لاشك انا بطـرش وأروح عسـاس
وسوق رجلـي بالديـار الرهيبـه
يم الدياراللي بهـا كـل الاونـاس
واللي تبيه النفس ماهـي صعيبـه



الحمد لله على السلامه والله لا يحرمنا من مثلك وشرواك