صياف ( من يوم حولك الحربي مامن فكه)

أهدي لكم هذه المحاورة التي جرت بين شاعر الخليج العربي / صياف الحربي
و الشاعر العملاق / حبيب العازمي ،،، أرجوا أن تحوز على رضاكم0

العازمي قام ينقز و إيتحداني=و إليا أنتهى الوقت جاب الشاعر الثاني
لكن حربي طرد عشرين عتـباني=يالاحي يوم أح يالاحي ياليحاني
العازمي يمشي على ضؤ النجوم = ضـؤ اقمر يكبر و لايمشي معه
الليلة الملعبة يازين مذهبها=لبت طلبنا و حنا في مطالبها
لكن وارد عراوي وين راكبها =يالاحي يوم أح يالاحي ياليحاني
ياليتنا نسرح و نمرح كل يوم = هذا نفر قبه و هذا نجمعه
العازمي من رجال الدين و المله=و الله يالالا يالا لا ماتقـابله
ترى عتيبه دواكـم ياحريبله=يالاحي يوم أح يالاحي ياليحاني
العازمي شاعر لياجات اللزوم =يلعب مع الحربي شوي و يسنعه
الملعبة فنها و فنونها لنا=و أن كان زعلان منها ماتزعلنا
و إليا أنتها قافك الموال هــــونا=يالاحي يوم أح يالاحي ياليحاني
ماعاد باقي بيننا حبة خشـوم =تبأ تحط الساق و إلا ترفعه
أنته عتيبي و ربعك كانت عتيبه=و اليوم كل الجماعة داخل العيبه
هاذي مصيبه وتبقى عندك مصيـبه=يالاحي يوم أح يالاحي ياليحاني
الطرقي اللي مايجينا بالعلوم = يقـرب من المشعاب حتى نصقعه
حنا ترانا بعيد و لا توالفنا =مير أكثر الناس مايعرف سـوالفنا
أثر عتيبه فنت لعلها تفنا=يالاحي يوم أح يالاحي ياليحاني
ترى حبيب لاحصله تمر دوم = يوعد على صياف و يعض أصبعه
ترى عتيبه مكانتها مكانتها =بين القبايل بعتها و هيبتها
مانقص الوقت صملتها و قيمتـها=يالاحي يوم أح يالاحي ياليحاني
الذيب دايم في طويلات الرجوم = و الارنبه دايم تصومع صومعه
حنا رجالٍ لياقمنا تكلمنا=لولا الحقايق ترانا ماتفاهمنا
و أن كان هاذي علومك لاتعلمنا=يالاحي يوم أح يالاحي ياليحاني
من عام الاول و أنت فالناس مخدوم =ترضى على البراد لو أبو أربعه
عز الله أن الولد ماهو ولد رخمه=لكن يسراه في يمناه ملتحمه
و إليا ركض ينفقع صدره من الفحـمه=يالاحي يوم أح يالاحي ياليحاني
عند اللزوم ايقوم و يسد اللـزوم=طير يطير إليا كشفنا برقعه
الله يعيد الخميس و ليلة الجمعة =كثر البكاء و الصياح و كبرت الدمعـة
حنا عزاز النفوس و لالنا طمعة=يالاحي يوم أح يالاحي ياليحاني
فتح عيونك زين يالذيب العزوم = أما تشوفه شـوف و إلا تسمعه
أنا أعرف أنك طويل ذراع يالحربي=وإليا دفعتك شويه جيت مدربي
لكن بالله لا تاقف على دربي=يالاحي يوم أح يالاحي ياليحاني
أدورك مابين مكه و الجموم=و أثرك وسط سدير دون المجمعه
بالله وخر يدينك لا تنوشنا =لو ينفع الخمش يمكنا تخامشنا
حنا قضينا بعد معكم تهـــاوشنا=يالاحي يوم أح يالاحي ياليحاني
ياليت يا صياف غير التوم توم =و إليا لزم ديس المنيحة يرضعه
يازين وجهك بعد صحلت لك دكه=و أن كان ما أنت بعفيف ألقاك في مكه
من يوم حولك الحربي مامن فكه=يالاحي يوم أح يالاحي ياليحاني
بغيت تقسمها و ضيعت القسوم = و اللي يشق الثوب بكــره يرقعه

الله الله

صحت السنتهم جميع

بيض الله وجهك

	المشاركة الأصلية كتبت بواسطة راعي الحناكيه

	الله الله صحت السنتهم جميع بيض الله وجهك

مشكور يارعي الحناكية على مرورك المشرف

	يعطيك العافيه على الملعبه الرائعه بيض الله وجهك ننتظر المزيد تحياتي

	المشاركة الأصلية كتبت بواسطة ابوروان النويمي

	يعطيك العافيه على الملعبه الرائعه بيض الله وجهك ننتظر المزيد تحياتي

مشكور على مرورك ياسعادة المدير العااااااام

الغالي / فارس عوف

لله دركـ ,, اقسم انكـ فارس حــرب كلهااا
بيض الله وجهكـ من زمااااااان وانا ابحث عن المحاورة هذي,,

وهي قصتها مشهورة ...
والظاهر ان المحاورة في الطائف ,,
حيث ان صياف الله يرحمه كان الحربي الوحيد بين اكثر من شاعر عتيبي
وحصلت فيهااا علووم ولكن شباب حرب من الصفوف التفووا على صياف
ولااحد قدر يقربه ,, هذا اللي شايع بالمنظقة

والمعذرة على الإطالة

ولاااهنت ياذيبااان

/
\
/
\

	المشاركة الأصلية كتبت بواسطة المعبـــــدي

	الغالي / فارس عوف لله دركـ ,, اقسم انكـ فارس حــرب كلهااا بيض الله وجهكـ من زمااااااان وانا ابحث عن المحاورة هذي,, وهي قصتها مشهورة ... والظاهر ان المحاورة في الطائف ,, حيث ان صياف الله يرحمه كان الحربي الوحيد بين اكثر من شاعر عتيبي وحصلت فيهااا علووم ولكن شباب حرب من الصفوف التفووا على صياف ولااحد قدر يقربه ,, هذا اللي شايع بالمنظقة والمعذرة على الإطالة ولاااهنت ياذيبااان / \ / \

ياهلا و غلا بأبن العم / المعبــدي
أسعدني و شرفني مرورك
و أبرك الحزات اني أقدم شئ يحوز على رضاك

يعطيك العافيه على الملعبه الرائعه

صحت السنتهم جميع

	الله يـعـطـيـك الـعـافيـــــــــــة بيض الله وجهك