الليال اتدور دور المحاله بالرشا = تلوي اذراع البنادم صوادفها لوي .....

بسم الله الرحمن الرحيم
هذي ابيات موجهه للاخ سليم الجابري نزلتها بطلب منه وللتواصل معكم

السحاب اللي من القبلـه انقـاد ونشـا=بامر من بامر يسود الضعيف والقـوي
في مقاديمه كشف بارقـه قبـل العشـا=وترزم ارعوده وحس الرعد يدوي دوي
جعله ابدار النبي لا قسم ربـي واشـا=ولايتفرق ليـن كـل المدينـه ترتـوي
ديـرةٍ منزالهـا فـي معاليـق الحشـا=واشهد ان القلب من طيب اهلها مهتوي
ماحدا عنها قدم ساقـي اللـي مامشـا=بالملامه والـردى والطريـق الملتـوي
غير ظرفٍ حدني والخلايق لـو تشـاء=مالهـا الا قسمـة الله والعلـم السـوي
الليـال اتـدور دور المحالـه بالرشـا=تلوي اذراع البنـادم صوادفهـا لـوي
ياسليم الجابري ..لا.. وتقفاهـا حشـا=مانويت اقعد لكـن لاركـاب ولاخـوي
عذر بالله منك من رجل ماعمـره مشـا=غير في درب الوفاء والطريق المستوي

تحياتي وتقديري
اخوكم / تركي الشيخ

الشاعر : تركي الشيخ
صح لسانك و بيض الله وجهك

	المشاركة الأصلية كتبت بواسطة فارس عوف

	الشاعر : تركي الشيخ صح لسانك و بيض الله وجهك

الاخ فارس عوف

صح بدنك ووجهك ابيض يابو ناصر

اشكرك على مرورك الرائع

تحياتي وتقديري

صح لسانك وبيض الله وجهك

ولا تكفينا منك قصيدة وحدة ، نطمع من اللي مثلك وشرواك أكثر من قصيدة .
وتقبل تحياتي

أخوك المخلفي

	المشاركة الأصلية كتبت بواسطة المخلـــفي

	صح لسانك وبيض الله وجهك ولا تكفينا منك قصيدة وحدة ، نطمع من اللي مثلك وشرواك أكثر من قصيدة . وتقبل تحياتي أخوك المخلفي

المخلفي

صح بدنك يالقرم وبيض الله وجهك

وانا تشرف بمثلك وشرواك لا علقو على القصيده

اشكرك على مرورك وكلامك الطيب

تحياتي وتقديري

صح لسآنك /// قصيدهـ رائعة وابداع غير مستغرب


دمتـ بود

	المشاركة الأصلية كتبت بواسطة بدر القويضي

	صح لسآنك /// قصيدهـ رائعة وابداع غير مستغرب دمتـ بود

الاخ بدر القويضي

صح بدنك ولاهنت يالقرم

واشكرك على مرورك ومشاركتك

تحياتي وتقديري

0
0
0
الشاعر تركي الشيخ ... صح لسانك على الجزله وانت راعيها

بس فيه خطأ املائي باخر ( يدوي يدوي ) والظاهر الصح ( يدوي دوي )

0
0
0

لاتغيب يوم الربوع ليلة الخميس ... جيب مشعابك هههههههههههه ان الله احيانا

0
0
0
تحيتي

	المشاركة الأصلية كتبت بواسطة ساري الغدرا

	0 0 0 الشاعر تركي الشيخ ... صح لسانك على الجزله وانت راعيها بس فيه خطأ املائي باخر ( يدوي يدوي ) والظاهر الصح ( يدوي دوي ) 0 0 0 لاتغيب يوم الربوع ليلة الخميس ... جيب مشعابك هههههههههههه ان الله احيانا 0 0 0 تحيتي

مستشارنا الغالي

ساري الغدرا

صح بدنك ولاهنت يالقرم

اما من ناحية الخطاء الاملائي والله مدري وشلون جاء لكن ابشرك تم التعديل

على خير ان شاء الله لكن بدون مشاعيب هههههههه

اشكرك على مرورك يالقرم

تحياتي وتقديري

صح الله لسانك ولاهنت


قصيده وافيه من وافي



تقبل صادق ودي


تحياتي