من الشاعر ونيس عقيل الحربي الى الشاعر زيد

قصيده مرسله من الشاعر ونيس عقيل الحربي الى الشاعر زيد وسبب ارسال الشاعر ونيس لهذه القصيده انه في احد الليالي قام ونيس بالاتصال بالجوال على الشاعر زيد ولكن لحظة استقبال الشاعر زيد للمكالمه وفي لحظة رده لدغته عقرب وصار اللي صار وونيس مايدري وبعد شهر ارسل القصيده وجاه الرد

كلمـت بالجـوال مالـي لزومـي =غير السلام ونشـدةٍ عـن حوالـه
رفيـق وابغـى مستجـد العلومـي =والا حلالي ما اختلـط مـع حلالـه
وصك الجهاز وقال ياعيـن نومـي =ما أخذ من النشـاد مبـدا سؤالـه
يابو فهـد ياعـل عمـرك يدومـي =خابرك جـزل ونظرتـك بالجلالـه
ما أنته من اللي يجهلون السلومـي =يازيـد يـاراع الوفـا والجـزالـه
للسين جيـم وللسوالـف حجومـي =واعرف من العنوان معنى الرسالـه
ارسالـةٍ فيهـا عتـاب وهجومـي =عتـاب رفقـه مانعاتـب رزالــه
ما ارسلتها لك يا ابيض الوجه لومي =اللوم عنـدك مـا يقـرب مجالـه
وبحرك ما ينعام بـه لـو نعومـي =مـا كـل سبـاحٍ يعومـه لحالـه
وأن صار فيها يالسنافي خصومـي =دايم عن الهـزلات فيـك انعزالـه
دايـم لجـزلات المواكـر تهومـي =تشفق وتاصل لـو تصعـب منالـه
هـذا وتسلـم ياعشيـر القرومـي =اللي يقال ونعم اليـا جـاء مجالـه

وهذا ردي على الشاعر ونيس :

فطرتني ياونيس من عقب صومـي =مـا كنـك الا العيـد ليلـة هلالـه
كنك مقـدم لـي فقـار الردومـي =وسميـت باسـم الله جـلا جلالـه
ان جيت هاذي ضيف والا معزومـي =الشك مـن يمـي مسكـر مجالـه
اقوم واقـف مـا توانـت عزومـي =وبعض اللهب ودي يزيـد اشتعالـه
للـي مثـل ذيـه تـراي مهيومـي =اكشف مدى خصمي وقـو احتمالـه
ياشاعرٍ عن كل هـزل محشومـي =صدّر عقب ركب الرشـا بالمحالـه
ان كان اخو مره حصانه عزومـي =انا حصانـي نـوب تومـي حبالـه
ليته درى باحـداث ليلـي ويومـي =قـدام يعلـن مـا تصـوّر ببـالـه
نادى لخو مـرة وقـال مخدومـي =وفرح به اللي كل ما أوحـاه قالـه
وانا من النـوم اللذيـذ محرومـي =في ليلة ٍ فالي عسى ماهـو فالـه
من سم شقرى ٍ في عروقي يعومي =ما ينحسد مثلـي ويؤسـف لحالـه
وأنته شهر كامل تبيـع وتسومـي =في صاحبك ما سلت عن ما جرى له
ماهي أعذار مخرميـن الخشومـي =اللي تبـي مخـراج لـو بالوكالـة
وحقك مثل عـواد يزهـم ويومـي =لـو اجحـده والا أتجاهـل نـذالـه
حقك وجـب والله غفـورٍ رحومـي =بارك جملك وفـي يدينـك عقالـه
احكم ولا تحكـم علـي الرخومـي =مانـي مـدور بالرخـوم الجمالـه
واليا انتهى حكمك تـراك محكومـي =ياخو ونس ونقـول تحـى العدالـه

صح لسانـكـ وعـلا شانـكـ ...


رائعـة من روائعـكـ ...


لا عدمنـــاكـ يالغالي


تحياتي

السلام عليكم ورحمة الله وبركاته

(( صح لسانك )) ولسان الشاعر((ونيس))

ودمت سالما ً وسأكون من المتابعين

لكل مايطرحه شخصك الكريم

ويامرحبا فيك


اتمنالك التوفيق إن شاء الله

أخيك ابوروان

صح السانك اخوي الشاعر زيد بن مبشر الحصني الحربي

بيض الله وجهك

و بارك الله فيك

تحياتي وتقديري
عاشق بريده

الشاعر زيد بن مبشر الحصني الحربي

صح لسانك

وماقصرت يالغالي

بيض الله وجهك

تحياتي
الصـ الجارح ـقر

الشاعر زيد بن مبشر الحصني

صح لسانك ولسان الشاعر ونيس

وبيض الله وجهك يالغالي

اخوك
سلطان

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

الشاعر: زيد بن مبشر الحربي

صح لسانك على هذه القصيدة

و بيض الله وجهك

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

صح السانك اخوي الشاعر زيد بن مبشر الحصني الحربي

بيض الله وجهك