مايرضي الزعلان سهج المواجيب

يبو طلال مدنيات المحاضيب=دناهن اللي ماهقيته دناوي
اللي فتح بيبان للشك والريب=وخلف هقاوي من هقابه هقاوي
عقب الثقه يخطي به الضن ويصيب=لو ما تحرى راي مثلك ماراوي
يمديني استعملت عطب المضاريب=اللي يبين باالخصيم السطاوي
للراس باس وللنداوي مخاليب=الموت في مخلاب كف النداوي
والمعتدي مادون راسه مجانيب= الا إن سيله يم غيري نحاوي
ماقول حي الضيف عند المعازيب=مدام ماهو في حدود الحراوي
وأبا ستشيرك ونت راعي تجاريب=مسني وساني في جميع الدعاوي
عساك بالتوجيه تنهي مطاليب=نفسي ونا مازلت حر حياوي
وماعيل واجزا راعي لطيب بالطيب=واحب وضعي بالوسط والتساوي
لكن سمعت اللي على الرجم بالغيب=عني حكا له قصد مدري عماوي
لاحظت باللي قال كثر العذاريب=وخاف من تحرير حرف شفاوي
إن كان ماعنده براهين للعيب= هو السبب لو يسمع الذيب عاوي
لايستطير ليا سمع عوية الذيب=أرض المجنه بات فيها خلاوي
من يوم راج ورج خبرا الدغاليب=راع الخطا كثرت عليه المهاوي
يبي يغيب وتطلع الشمس وتغيب=ويشوف في نفسه وشوم المكاوي
والنار جنب النار تلحق مشهيب= والدا دواه يحير فيه المداوي
مايرضي الزعلان سهج المواجيب=لو كل تايه راي جت له عزاوي
مدام ماهو جايب مثل ما أجيب=ليت الفقير يشوف حال الغناوي
يوم العوارف يرسلون المناديب=يمي على عنوان عارف رهاوي
عند المواقف بين حظ ومواهيب=والله يعين ليا بلن البلاوي
إما من الشرهات ولا العواقيب=كم واحد مبهوت بمر سماوي
مار انت ياللي لك على الوضع تعقيب=الشر له ناوي وللخير نأوي
خلك قريب وحكم الوضع تقريب=باللي تشوف ولا تقول انت غاوي
أكبر حرام وعيب شذب العراقيب=والناس كل دون حقه قصاوي
واللي عليه الثار جساس لكليب=والزير يبطش بالخوي والمخاوي
هذا مثل ياخذ به الفكر ويجيب= ويورده بمثال ماهن حجاوي
لو الشباب يروح ويجيني الشيب=ماني على ماقيل للحبل طاوي
أهل الوفا بحبالهم لي مقاضيب=عسا لهم بحبال ربي عراوي
ارضاي يااللي هم يشفونه مصيب=وناعليه بقوة الباس قاوي
مطــــــــــــــــــــــــــــــــــــــــــــاوع العريمه=
الله ياعلمٍ لفا البارح منيب=خلاني انزل كل سوقٍ غلاوي
ونا احسبني عن جميع الهناديب=معرض ولا ني بالمناقش شفاوي
لاني مقل ولاجهلت للوا عيب=ولا مستعيب مساجلات الشكاوي
يوم آتحاشا ماضيات العباعيب= أخاف لايظهر وراها عشاوي
يضفر بها جاهل وينقد بها اديب= حيلت مقل(ن)مد والعضم جاوي
ياضع لها وجهه وصيغه وتركيب=وول ندبها من زناد الفضاوي
والسيف تعريفه مصفى المشاريب=من شاف مذلوق العريني يخاوي
يبن (بقيه) ياحصان الاطاليب=سل الصقيل وخل قلبك جراوي
لاخير باللي مايعدي عن الجيب=ويعرض المخطي عطيب الاهاوي
وإن كان مال للباب قفل ولواليب=في كل يوم يصير غيض ورضاوي
والله جعل لمحرف الحكي تأديب=ماهي علوم مكثرين النجاري
للحق قطاعه وللداعي مجيب=قلته وأنا من كل شك نقاوي
من يوم دار الشك بين الاصاحيب=منته زبونه يازبون الجلاوي
الضيف عند معزبه له تراحيب=واللي مكفا باالهموم الفداوي
ولا فيه علم مايجيله مجاذيب=البذر بطوال الشجر وش يساوي
يمكن تروح أثلاث من يعلم الغيب=وش يضمن اللي بين راوي وراوي
ماقولها تحريك فتنه وتكذيب=ولا مطاول بين سارح وضاوي
ماهي غريبه يصدق الضن ويخيب=من طاح ماياطاه من كان ياوي
كلش يطيب وسوة الظن ماتطيب=إلاتطيب أمراض قلب الهواوي
لو التسرع ماذكر به مكاسيب=قبل الحقايق لاتبين المساوي
ون كان تبغاها تزور المناصيب=أخاف من عله تجي بالكلاوي
تنشل منها أعصاب واطراف تعيب=موعد طبيب وموعد لعصر حاوي
من سبة اللي فيه كل المناقيب=أخير ماسمي تراه الملاوي
يزعم بنفس منقلها تريحيب=راع الحصان اللي برز للعطاوي
اللي يتيه باالخطر شمخ النيب=ويفكهن لايبسن الشفاوي
لاقل هوش مفتلين الأشانيب=من دونهن يرو القنا مايراوي
وترا الفطانه يانزيه الأساليب=في ذنب غيرك لاتحرا فتاوى
ولا حلي الزير بالاسم تلقيب=خصمه ليا دارت رحاها ضحاوي
والاسم والعنوان والأمر تجريب=واشر مايفحم تراه النحاوي
من نط للغرات روس المراقيب=يمسي ويصبح خامد النار ثاوي
وارجي السموحه مايوا فيك من غيب=حكم الغيابي كد نفاه الخلاوي
غــــــــــــــــــازي مغيران الزغيـــــــبي=

غــــــــــــــــــازي مغيران الزغيـــــــبي

ارحب تراحيب المطر والله يحييك

صح لسانك وسلم فكرك

رايعه بروعة حضورك

لاخــلا ولاعـــدم

لك فائق احترامي وتقديري

	المشاركة الأصلية كتبت بواسطة بن شباب

	ارحب تراحيب المطر والله يحييك صح لسانك وسلم فكرك رايعه بروعة حضورك لاخــلا ولاعـــدم لك فائق احترامي وتقديري

بن شباب


بارك الله فيك




وحياك الله تحية السيل


وصح بدنك




ولاهنت الصالة عني ونيابة عن الشاعر العلم مطاوع بقيه العريمه


تحياتي للجميع

صح الله لسانك ولاهنت


قصيده وافيه من وافي

	المشاركة الأصلية كتبت بواسطة حمود الغيداني

	صح الله لسانك ولاهنت قصيده وافيه من وافي

صح بدنك

صح الله لسانك ولاهنت


قصيده وافيه من وافي



تقبل صادق ودي


تحياتي

	المشاركة الأصلية كتبت بواسطة مشعان الحربي

	صح الله لسانك ولاهنت قصيده وافيه من وافي تقبل صادق ودي تحياتي

صح بدنك

وشكرا على المرور الكريم

وفق الله الجميع ،،،

	المشاركة الأصلية كتبت بواسطة مشعان الحربي

	صح الله لسانك ولاهنت قصيده وافيه من وافي تقبل صادق ودي تحياتي

الله يغفرلك ويبيحك ادايم الله

صح لسانـكـ وعـلا شانـكـ ...

	المشاركة الأصلية كتبت بواسطة عبدالعزيز الحربي

	صح لسانـكـ وعـلا شانـكـ ...

صح بدنك

وشكرا على المرور الكريم

وفق الله الجميع ،،،