من عاش بالدنيا سنينه عطنه

السلام عليكم ورحمة الله وبركاته

من عاش بالدنيا سنينه عطنه
دروس غطى نفعها كل مضمار

دروس مدفوعه ثمن غصب عنه
ودروس مجاني بلا سابق إنذار

ومن جرب العالم خذ العلم منه
لابد ما كـون قناعـات وأفكار

ومهما خفى خافي ترى يكشفنه
مستقبل الأيام لا زاحت ستار

بعض الحقايق فالبداية مظنه
كانت تداول بيننا وجهة أنظار

والبعـض عنده للمـراجـل أعنــه
ضاريبها تنقاد له كيف ما اختار

والبعض مايلحق عطاياه منـه
ذكره سبق فعله توافيق وأقدار

والبعض لو جيوش بقعاء غزنه
ما ينحني ياكود للنافـع الضـار

والبعض ريف اللي ظروفه حدنه
مدهالـه مشـرع لضيفـه وللجـار

والبعـض يفـزع للمدنـدن بدنـه
ماله من أمره شي فصغار وكبار

والبعض منهم بين بدعـه وسنـة
مابين حق وزيف يقضون الأعمار

والبعض يرفع سقف الأحلام كنه
نسبة ضمان وصولها تسعة أعشار

والبعـض هقـوات هقـا ورطنـه
أبعـد مداها وأنقطع دونها وخار

والبعض لا واجهك يدغم بغنة
ويملك لسان فالقفا حد منشار

والبعـض لو بيديـه نار وجنـة
الثلـث فالجنـة وثلثيـن فالنـار

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
الله يعافيك و وجهك أبيض
تحياتي

صح السانك اخي البيرق شاعرالحكمه
والموعضه والنصايح والدلايل الواضحه
قصيده جزله ومميزه كاعادةشاعرناالعلم

	المشاركة الأصلية كتبت بواسطة محمدالعيسى

	صح السانك اخي البيرق شاعرالحكمه والموعضه والنصايح والدلايل الواضحه قصيده جزله ومميزه كاعادةشاعرناالعلم

صح بدنك اخوي محمد
ماعليك زود والله يعطيك العافيه
شكراً على الإطراء
تحياتي

وعليكم السلام ورحمة الله وبركاتة

صح لسانك يبن عمي الغالي


الله يعطيك العافية

	المشاركة الأصلية كتبت بواسطة شموخ السلاطين

	وعليكم السلام ورحمة الله وبركاتة صح لسانك يبن عمي الغالي الله يعطيك العافية

صح بدنك يبن عمي
الله يعافيك
تحياتي ياغالي

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك
الله يعطيك العافيه
تحياتي

صح لسانك وسلم فكرك وبنانك