المال فاني والمخاليق فانين

ياهل الحمر جتكم من الحمر عشرين
اتلاد ماهن للمزاين شرايا

مدهالهن في وادي الحمض ويمين
ماصفقوهن بالتليع الشوايا

حمر الحجاز ومادخلهن ملاوين
عن غيرهن ماجود عدة مزايا

قبل الدداسن والغرف والصوالين
وقدام تخضع للامام السرايا

وحنا نصادم شاربين الغلاوين
من دونهن فوق النضا والسبايا

لنا بواد الحمض ماضي وهالحين
امجاد سد امجاد ماهي حجايا

الواو غناله من الشعر بيتين
من ضمن ماقاله حميد السجايا

لحقو هل البل بمهات النياشين
وعلط الرقاب مقربات المنايا

وعنها عزلونا يوم جونا مغيرين
لولا جناب الضلع رحنا ضحايا

فواز يانسل الخوال العزيزين
اسمن تعلق بالرجال الدهايا

نطلب لك التوفيق وانته حمر عين
مانته من اللي ينزوي بالزوايا

ان اقبلت باذن الولي تقضي الدين
وان عاكست راحت كنوز وبنايا

المال فاني والمخاليق فانين
والطيب يبقى لين نجمع عرايا

ياسلام
صح لسانك
والله يعطيك العافيه
تحياتي

	المشاركة الأصلية كتبت بواسطة البيرق

	ياسلام صح لسانك والله يعطيك العافيه تحياتي

صح بدنك والله يعافيك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وطاااااب فلك يابن العم

صح السانك قصيده من عيون الشعر
عساك على القوه هذودمت بخيروعافيه

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك
احسنت

صح الله ابدانكم
الجمييييع

صح الله السانك


قصيدة عانقة السماء بجزالتها وأبداعها

تحياتي لك